देहरादून, 24 अगस्त (हि.स.)। उत्तराखण्डको चमोली जिल्लाको टूनरी गदेरामा आएको बाढ़ी प्रभावितहरूको प्रशासनको तर्फबाट हरसम्भव मद्दत गरिँदैछ। यहाँ प्रभावित लगभग 150 जना राहत शिविरमा बसिरहेका छन्। प्रशासनले उनीहरूलाई सबै आवश्यक सेवाहरू उपलब्ध गराइरहेको छ। यस क्षेत्रका लगभग धेरै गाउँहरूमा विद्युत आपूर्ति बाधित छ। यस बाहेक सम्पर्क मार्ग पनि क्षतिग्रस्त छ। आपदामा घाइते भएका नौ जनाको विभिन्न अस्पतालहरूमा उपचार चलिरहेको छ। मुख्यमन्त्री पुष्कर सिंह धामी स्वयंले राहत एवं बचाउ कार्यहरूको निगरानी गरिरहेका छन्।

जिल्ला आपातकालीन परिचालन केन्द्र चमोलीबाट प्राप्त सूचना अनुसार, चमोली जिल्लाको थराली, ग्राम सगवाड़ा, चेपड़ो बजार र कोटदीप बजार आपदाले प्रभावित भयो। आपदामा 20 वर्षीय एक युवतीको शव भेटिएको छ जबकि ग्राम-चेपड़ोको 78 वर्षीय बुजुर्ग अहिलेपनि बेपत्ता छन्। आपदामा सगवाडा गाउँमा 10, थरालीमा 15 र चैपडोमा 16 आवासीय भवनहरूका साथै 30 भन्दा धेरै दोकानहरू क्षतिग्रस्त भएका छन्। यहाँ 11 वाहनलाई पनि नोकसान पुगेको छ। प्रभावित व्यक्तिहरूलाई तत्काल राहत उपलब्ध गराउन राजस्व निरीक्षक र उप निरीक्षकलाई तहसील थरालीमा आपदा राहत कार्यहरूका लागि तत्काल प्रभावदेखि तैनाथ गरिएको छ।

चैपड़ो एवं थराली क्षेत्रमा जल संस्थानका 14 योजनाहरू क्षतिग्रस्त भएका छन्, जसलाई सुचारू गरिने कार्य गतिमान छ। विद्युत व्यवस्था देवाल क्षेत्रमा 30 र थराली विकासखण्डमा 33 गाउँको विद्युत आपूर्ति बाधित छ। जिल्लाधिकारी र पुलिस अधीक्षकको नेतृत्वमा उप जिल्लाधिकारी, थराली, सीओ, तहसीलदार राजस्व प्रशासन, पुलिस विभाग, सिविल पुलिस, डीडीआरएफ, फायर सर्विस, विद्युत विभाग, स्वास्थ्य विभाग, जल संस्थान, लोक निर्माण विभाग, सिंचाई विभाग, कृषि विभाग आदिका साथै आपदा राहत दल पनि घटनास्थलमै तैनाथ छ।

स्वास्थ्य विभागका पाँच चिकित्सा अधिकारी, छह स्टाफ नर्स, एक फार्मासिस्ट, तीन एम्बुलेन्सको साथ जीवनरक्षक औषधीहरू सहित, दुई विशेषज्ञ चिकित्सा अधिकारी, आईटीबीपी सेकनाको मेडिकल टीम घटनास्थलमा उपस्थित छ। यूकाडाको हेलीकप्टर गौचरमा तैनाथ गरिएको छ र वायुसेनाको एम आई-17 लाई पनि मौसम अनुसार तैयार राखिएको छ। कुलसारी र चेपड़ोंमा हेलीप्याडलाई पुनः ठीक पारेर तयार गरिएको छ। कर्णप्रयाग-थराली-देवा मार्गमा थरालीको 10 किलोमीटर परिधिमा 12-15 ठाउँ माटो झर्दा र सड़क वशआउट हुँदा मार्ग बन्द छ। मार्ग खोल्नलाई लिएर युद्धस्तरमा काम गरिँदैछ।

हिन्दुस्थान समाचार / भवानी थामी