नयाँ दिल्ली, 24 अगस्त (हि.स.)। केन्द्रिय सड़क परिवहन राजमार्ग मन्त्री नितिन गडकरीले आइतवार नागपुरमा लोधी क्षत्रिय लोक कल्याण फाउण्डेशन कार्यक्रममा वीरांगना रानी अवन्तीबाई लोधीको 194औं जयन्ती समारोहमा उनलाई नमन गरे। कार्यक्रममा गडकरीले अवन्तीबाईको बलिदान र साहसलाई याद गर्दै उनलाई भारतको प्रथम स्वतन्त्रता संग्राम वीरांगना बताए।

केन्द्रिय मन्त्री नितिन गडकरीले भने, रानी अवन्तीबाई मध्य प्रदेशको रामगढ़ राज्यकी रानी थिइन्। 1857 को स्वतन्त्रता संग्राममा उनले ब्रिटिश ईस्ट इण्डिया कम्पनी विरूद्ध साहसपूर्वक युद्ध लड़िन्। अंग्रेजहरू सामू झुक्नका सट्टा आफ्नो राज्य र स्वाभिमानको रक्षाको निम्ति बलिदानलाई अंगालो लगाइन्। रानी अवन्तीबाई ती प्रथम महिलाहरूमध्ये थिए, जसले भारतको आजादीको निम्ति आफ्नो प्राणहरूको आहूति दिए। उनको जीवन देशभक्ति, त्याग र शौर्यको प्रतीक हो। यस्ता वीरांगनाहरूको गाथाहरूले भावी पीढ़ीहरूलाई प्रेरणा दिँदछ।

गडकरीले उपस्थित जनसमूहसित रानी अवन्तीबाईको जीवनबाट प्रेरणा लिएर देशप्रति निष्ठाको भावनालाई आफूभित्र जागृत गर्ने आग्रह गरे। यही रानी अवन्तीबाईप्रति हाम्रो साँचो श्रद्धाञ्जलि हुनेछ। उनले आफ्नो सम्बोधनको अन्तमा हात जोड़ेर रानी अवन्तीबाईलाई नमन गर्दै भने, उनको आशीर्वादले समाजमा राष्ट्र प्रेम र कर्तव्य भावना अझ् अधिक गहराईले समाहित हुनेछ।

हिन्दुस्थान समाचार / भवानी थामी