लखनऊ, 25 अगस्त (हि.स.)। उत्तर प्रदेशको बुलन्दशहरमा ठूलो सड़क दुर्घटना घट्यो। यस दुर्घटनामा 8 जनाको मृत्यु र 43 जना घाइते भएका छन्। मुख्यमन्त्री योगी आदित्यनाथले बुलन्दशहरमा भएको सड़क दुर्घटनाको संज्ञान लिएका छन्। मुख्यमन्त्रीले मृतकहरूको शोक संतप्त परिजनहरूप्रति समवेदना व्यक्त गरेका छन्।

श्रद्धालुहरू सवार ट्रेक्टर ट्रलीलाई कन्टेनरले ठक्कर दियो। जसमा 8 श्रद्धालुहरूको मृत्यु भयो। मृतकहरूमा एक नानी, दुई महिला सामेल छन्। 10 गम्भीर रूपमा घाइतेलाई अलीगढ़ हायर सेन्टर रेफर गरिएको छ भने 10 जनालाई जिल्ला अस्पताल रेफर गरियो। 23 जनालाई कैलाश अस्पताल खुर्जा पठाइएको छ।

दुर्घटनाको शिकार भएका सबै श्रद्धालुहरू कासगंजको कोतवाली सोरो स्थित रफातरपुर र मिल्किनियाँ गाउँका बताइएका छन्।

श्रद्धालुहरू कासगंजदेखि गोगाजीको दर्शनको निम्ति राजस्थान गइरहेका थिए। यो दुर्घटना अरनिया क्षेत्रको नेशनल हाईवे 34 नजिक भएको हो। जिल्लाधिकारी र पुलिस अधीक्षक समेत अन्य अधिकारी घटनास्थलमा पुगेका छन्।

मुख्यमन्त्रीले घाइतेहरूलाई तत्काल अस्पताल पुऱ्याएर जिल्ला प्रशासनका अधिकारीहरूलाई उनीहरूको समुचित उपचारको निर्देश दिएका छन्। यसका साथै घाइतेहरू शीघ्र स्वस्थ हुने कामना गरेका छन्।

हिन्दुस्थान समाचार / भवानी थामी