देहरादून, 25 अगस्त (हि.स.)। उत्तराखण्डको पहाड़हरूमा प्रकृतिको प्रकोप कम भइरहेको छैन। उत्तरकाशी जिल्लाको हर्षिल तेलगाड़ क्षेत्रमा राति अत्यधिक वर्षापछि फेरि बाढ़ी जस्तो स्थिति बन्यो। यसलाई लिएर अलर्ट जारी भएपछि प्रशासनले सावधानी अन्तर्गत हर्षिलको आर्मी क्याम्पलाई खाली गराएर जवानहरूलाई सुरक्षित ठाँहरूमा पठाएको छ। चमोली जिल्लाको थरालीमा पनि राहत एवं बचाउ कार्य युद्ध स्तरमा चलिरहेको छ।
उत्तरकाशीका जिल्लाधिकारी प्रशान्त आर्यले बताए, तेलगाड़मा आएको बाढ़ीले कुनै नोकसान भएको छैन। सुरक्षाका सबै आवश्यक उपायहरू गरिएको छ। प्रभावित परिवारहरूको पुनर्वास, उनीहरूको आजीविकालाई सुदृढ़ बनाउनका लागि शासन र प्रशासन स्तरमा कारबाही गरिँदैछ। प्रभावितहरू, स्थानीय जनप्रतिनिधिहरू र जिल्ला प्रशासनसित विचार-विमर्श गरी रिपोर्ट तयार पारिँदैछ र राजस्व विभागको सचिवको अध्यक्षतामा गठन गरिएको तीन सदस्यीय समितिले धराली पुगेर त्वरित गतिले यसमाथि कार्य गरिरहेको छ।
उनले बताए, हर्षिलमा माइक्रो हाइड्रो इलेक्ट्रिक परियोजनामा विद्युत उत्पादन बहाल गरिएको छ तथा हर्षिल र धरालीमा विद्युत आपूर्ति बहाल छ। बीआरओ र लोनिवि हर्षिल र धरालीबीच बाधित मार्गहरूलाई सुचारू गर्न लगातार कार्य़रत छ साथै आर्मीको इन्जीनियरिङ टीमले पनि कार्य गरिरहेको छ। उत्तरकाशी भटवाड़ी-गंगोत्री मार्गमा डबरानीदेखि अगाड़ी बालकेदार मन्दिर निकट साना वाहनहरूका लागि मार्च सुचारू गरिएको थियो, जसको चौड़ीकरण र मजबूतीको निम्ति लेवलिङको कार्य लगातार चलिरहेको छ ताकि मार्गलाई ठूला वाहनहरूका लागि पनि सुचारू गर्न सकियोस्। यूएसएसी, आईआईआरएस र वाडियालाई ककोड़ागाडको उदगम ग्लेशियर एवं त्यससित सम्बन्धित क्षेत्रहरूको तुरन्तै अध्ययन गरी रिपोर्ट प्रस्तुत गर्ने आग्रह गरिएको छ। चमोली जिल्लाको थरालीमा पनि प्रशासनको राहत र बचाउ कार्य द्रूत गतिमा चलिरहेको छ।
हिन्दुस्थान समाचार / भवानी थामी
30 Aug 2025
