नयाँ दिल्ली, 25 अगस्त (हि.स.)। प्रधानमन्त्री नरेन्द्र मोदीले फिजीका आफ्नो समकक्ष सिटिवेनी राबुकाको साथ सोमवार यहाँ बैठकपछि दुवै देशबीच महासागरहरूको दूरी भएपनि हाम्रो आकांक्षाहरू एउटै डुंगामा सवार रहेको बताएका छन्।

भारत र फिजीबीच यहाँको हैदराबाद हाउसमा भएको बैठकमा 8 समझौता भयो र 17 घोषणाहरू गरियो। दुवै देशले स्वास्थ्य, शिक्षा, कृषि, साइबर सुरक्षा, मानकीकरण र रक्षा सहयोगसित जोड़िएको समझौताहरूमा हस्ताक्षर गरे। यसमा फिजीमा सुपर-स्पेशियलिटी अस्पतालको स्थापना, दवाईहरूको आपूर्ति, कौशल विकास तथा त्वरित प्रभाव परियोजनाहरू लागू गर्नमा सहयोग महत्वपूर्ण छ। दुवै देशले मानव संसाधन क्षमता निर्माण, तकनीकी सहयोग र गतिशीलता बढ़ाउनका लागि पनि समझौता गरे।

घोषणाहरूमा भारतीय नौसेनाको फिजी दौड़ाह, रक्षा अटैचीको नियुक्ति, एम्बुलेन्स र चिकित्सा सेवाहरूको उपहार, साइबर सुरक्षा प्रशिक्षण केन्द्रको स्थापना र कृषि क्षेत्रमा ड्रोन र मोबाइल सोयल टेस्टिघ ल्य़ाब्सको आपूर्ति सामेल छ। धार्मिक, शैक्षणिक र सांस्कृतिक सहयोग अन्तर्गत हिन्दी-संस्कृत अध्यापक, पण्डितहरूको प्रशिक्षण, जयपुर फुट क्याम्प र क्रिकेट कोचको नियुक्ति गरिनेछ। यस बाहेक ‘हील इन इंडिया’ कार्यक्रम अन्तर्गत विशेष चिकित्सा सुविधा प्रदान हुनेछ तथा भारतीय ‘घिउँ’ ले फिजीको बजारमा प्रवेश पाउनेछ।

विदेश मन्त्रालयका प्रवक्ता रणधीर जायसवालले एक्स पोस्टमा बताएका छन्, प्रधानमन्त्री नरेन्द्र मोदी र फिजीका प्रधानमन्त्री राबुकाले आज हैदराबाद हाउसमा व्यापक र उपयोगी बातचित गरे। यस अवधि रक्षा, व्यापार, स्वास्थ्य सेवा, कृषि, गतिशीलता, मानिसहरूबीच आपसी सम्बन्धहरू र एक सुदृढ़ एवं समृद्ध हिन्द-प्रशान्त क्षेत्रको निम्ति साझा दृष्टिकोणलाई अगाड़ी बढ़ाउने जस्ता क्षेत्रहरूमा भारत र फिजीको सम्बन्धहरूलाई मजबुत बनाउनमाथि चर्चा भयो। दुवै नेताले स्वास्थ्य सेवा, क्षमता निर्माण, गतिशीलता, मानकीकरण, आईसीईटी र व्यावसायिक सहयोग सहित विभिन्न क्षेत्रहरूमा समझौता ज्ञापनहरूको आदान-प्रदान गरे।

प्रधानमन्त्री मोदीले आईपीओआई फोरममा सदस्य देशको रूपमा फिजीको स्वागत पनि गरे। फिजीका प्रधानमन्त्री राबुका 24 देखि 26 अगस्तसम्म भारतको आधिकारिक दौड़ाहमा छन्। आज उनले प्रधानमन्त्री मोदीको साथ आपसी सहयोगमाथि व्यापक छलफल गरे। दुवै नेताले आतङ्कवाद विरूद्ध सख्त रबैया अपनाए औं आपसी सहयोग बढ़ाउनमा सहमति व्यक्त गरे।

वार्तापछि जारी संयुक्त बयानमा भनियो, दुवै नेताले जलवायु परिवर्तन, ग्लोबल साउथको आवाज़लाई मजबूत बनाउने र इन्डो-पैसिफिक क्षेत्रमा शान्ति, स्थिरता तथा विकासलाई प्राथमिकता दिनमाथि बल दिए। फिजीले भारतलाई संयुक्त राष्ट्र सुरक्षा परिषदको स्थायी सदस्यताको निम्ति समर्थन दोहोरायो। प्रधानमन्त्री राबुकाले भारतको अतिथि-सत्कारको निम्ति आभार व्यक्त गरे।

हिन्दुस्थान समाचार / भवानी थामी