बेङ्गलुरू, 25 अगस्त (हि.स.)। हिन्दी रचनाकारहरूको प्रसिद्ध साहित्यिक संस्था (शब्द) ले वर्ष 2025 को निम्ति ‘अज्ञेय शब्द सृजन सम्मान’ तथा ‘दक्षिण भारत शब्द हिन्दी सेवी सम्मान’ को निम्ति चयनित नामहरूको घोषणा गरेको छ। यस सालको ‘अज्ञेय शब्द सृजन सम्मान’ हिन्दी कवयित्री जसिन्ता केरकेट्टा र ‘दक्षिण भारत शब्द हिन्दी सेवी सम्मान’ शिक्षाविद् प्रोफेसर प्रभाशंकर प्रेमीलाई प्रदान गरिनेछ। यो पुरस्कार 28 अगस्तमा समारोहमा प्रदान गरिनेछ।

सोमवार ‘शब्द’ संस्थाका अध्यक्ष डा. श्रीनारायण समीरले एक बयान जारी गरी बताएका छन्, यी पुरस्कारहरूका लागि नामहरूको चयन हिन्दी भाषा र साहित्य विद्वानहरूको पाँच सदस्यीय मूल्यांकन समितिको संस्तुतिको आधारमा निर्णायक मण्डलले गरेको छ। यस निर्णायक मण्डलमा बाबूलाल गुप्ता, श्रीकान्त पाराशर, नलिनी पोपट, डा. उषारानी राव तथा डा. श्रीनारायण समीर सामेल थिए। डा. समीरले बताए, यस पाली 35 प्रविष्टि आएको थियो।

मूल्याङ्कन समितिको सिफारिशको आधारमा निर्णायक मण्डलले सर्वसम्मतिले तय गरेको छ कि यास सालको एक लाख रूपियाँको ‘अज्ञेय शब्द सृजन सम्मान’ हिन्दी कवयित्री जसिन्ता केरकेट्टालाई उनको कविता संग्रह ‘प्रेम में पेड़ होना’ निम्ति प्रदान गरिनेछ। डा. समीरले बताए, 25 हजार रुपियाँको ‘दक्षिण भारत शब्द हिन्दी सेवी सम्मान’ शिक्षाविद प्रोफेसर प्रभाशंकर प्रेमीलाई कर्नाटकमा उच्च एवं प्रौढ़ शिक्षामा हिन्दी भाषा र साहित्यको प्रचार-प्रसारमा उल्लेखनीय अवदानको निम्ति प्रदान गरिनेछ।

उनले बताए, आगामी 28 दिसम्बर 2025 मा बेङ्गलुरूमा आय़ोजित हुने सारस्वत समारोहमा पुरस्कार राशिको साथ पारम्परिक मैसूर पेटा, स्मृति चिह्न, श्रीफल र अंगवस्त्रम् भेट गरी दुवैलाई सम्मानित गरिनेछ। ‘अज्ञेय शब्द सृजन सम्मान’ बेङ्गलुरुका प्रसिद्ध समाजसेवी र अज्ञेय साहित्यका मर्मज्ञ बाबूलाल गुप्ताको फाउण्डेशनको सौजन्यले दिइन्छ। यसैगरी ‘दक्षिण भारत शब्द हिन्दी सेवी सम्मान’ बेङ्गलुरु र चेन्नईबाट प्रकाशित प्रमुख हिन्दी समाचार पत्र समूह ‘दक्षिण भारत राष्ट्रमत’ को सौजन्यले प्रदान गरिन्छ।

हिन्दुस्थान समाचार / भवानी थामी