कोलकाता, 25 अगस्त (हि.स.)। पश्चिम बंगालमा शिक्षक भर्ती घोटाला मामिलामा प्रवतर्न निदेशालय (ईडी) ले सोमवार तृणमूल कांग्रेस (टीएमसी) विधायक जीवनकृष्ण साहालाई पक्राउ गऱ्यो। गिरफ्तारी अगाड़ी ईडीले उनको मुर्शिदाबाद जिल्लाको बरत्रा स्थित आवासमा पाँच घण्टाभन्दा अधिक समयसम्म छापा माऱ्यो।

छापामारीमा विधायकले पर्खालबाट हाम फाल्ने प्रय़ास गरे औं आफ्नो मोबाइल फोन झाड़ीहरूबीच नालीमा फ्याकेर साक्ष्यलाई नष्ट गर्ने प्रयास गरे। तर घर बाहिर तैनाथ केन्द्रिय सुरक्षा बलका जवानहरूले उनलाई समाते। पछि ईडी अधिकारीहरूले नालीबाट मोबाइल फोन जफत गरे। सोधपुछमा साहाले दुई मोबाइल फोन प्रयोग गर्ने गरेको थाहा लागेको छ, जसमध्ये एकलाई उनले लुकाउने प्रयास गरेका थिए।

ईडी अनुसार, साहालाई मुर्शिदाबाददेखि कोलकाता ल्याइँदैछ, जहाँ उनलाई बैंकशाल अदालतमा पेश गरिनेछ र उनलाई हिरासतमा लिइने माग गरिनेछ।

विधायकले साक्ष्य मेटाउने प्रयास गरेको यो पहिलो अवसर होइन। अप्रेल 2023 मा पनि जब सीबीआईले उनको घरमा छापा मारेको थियो तब उनले आफ्नो दुई मोबाइल फोन एउटा पोखरीमा फ्याकेका थिए। घण्टौंको अथक प्रय़ासपछि ती मोबाइलहरूलाई पोखरीबाट उद्धार गरिएको थियो। सोही मामिलामा उनलाई पक्राउ गरिएको थियो र लगभग 13 महिना जेलमा रहेपछि सर्वोच्च न्यायालयबाट उनले जमानत पाएका थिए।

सीबीआईले यस मामिलामा भ्रष्टाचारको जाँच गरिरहेको छ भने ईडीले यसमा धन शोधन र वित्तीलय लेनदेनको जाँच गरिरहेको छ। सोमवार राज्यभरिमा ईडीका धेरै टीमहरूले एकसाथ छापा मारे। कोलकाता, मुर्शिदाबाद र बीरभूम जिल्लाहरूमा धेरै ठेगानाहरूमा सर्च अपरेशन चलाइयो।

ईडी अधिकारीहरूले विधायक साहाको ससुराली स्थित घर (रघुनाथगंज) र उनकी पत्नी टोगोर साहाको घरको पनि तलाशी लिए। यस बाहेक बीरभूम जिल्लाको सैंथिया नगर पालिकाकी पार्षद एवं विधायककी आफन्त माया साहाको आवासमा पनि छापा मारेको छ।

सूत्रहरू अनुसार, मुर्शिदाबाद जिल्लाको महिष गाउँ निवासी ब्याङ्क कर्मचारी राजेश घोषको घरमा पनि तलाशी अभियान चलाइयो। यो कारबाही हालमा कोलकातामा चार ठाउँ भएको छापामारीबाट प्राप्त नयाँ साक्ष्यहरूको आधारमा गरिएको हो। यी छापामारीमा एसएससी भर्ती प्रक्रियामा मिडलम्यानको भूमिका निभाउने प्रसन्ना रोय नाम अघि आएको थियो।

हिन्दुस्थान समाचार / भवानी थामी