कोलकाता, 25 अगस्त (हि.स.)। पश्चिम बंगालमा एसएससी भर्ती घोटालालाई लिएर प्रवतर्न निदेशालय (ईडी) ले सोमवार बिहानदेखि व्यापक स्तरमा छापामारी अभियान शुरू गऱ्यो। कोलकाता समेत धेरै जिल्लाहरूमा ईडीको टीमहरूले छापा माऱ्यो। सबैभन्दा अहम छापा मुर्शिदाबाद र बीरभूम जिल्लाहरूमा मारियो, जहाँ तृणमूल कांग्रेस (टीएमसी) का विधायक जीवनकृष्ण साहा र उनका आफन्तहरूको घरमा यो छापा मारियो।

ईडी अधिकारीहरू अनुसार, मुर्शिदाबादको आन्डी स्थित बड़त्रा विधानसभा क्षेत्रका विधायक जीवनकृष्ण साहाको घरमा बिहानदेखि तलाशी चलिरहेको छ। ईडी अधिकारीहरूको पाँच सदस्यीय टीम केन्द्रिय सुरक्षा बल (सीएपीएफ) का जवानहरूको साथ त्यहाँ पुग्यो र घरलाई घेरेर तलाशी शुरू गरे। यस अवधि विधायक स्वयं घरमा थिए औं उनीसित पनि सोधपुछ भइरहेको छ।

यसका साथै ईडीले साहाको ससुराली रघुनाथगंज (पियरापुर) स्थित आवासमा पनि छापा माऱ्यो। यस बाहेक बीरभूम जिल्लाको साईंथियामा नौ नम्बर वार्डका टीएमसी पार्षद र साहाकी आफन्त माया साहाको घरमा पनि ईडीले छापा माऱ्यो। माया साहको घर बाहिर पनि केन्द्रिय बलका जवानहरू तैनाथ गरिए जबकि अधिकारी भित्र तलाशीमा जुटिरहे।

छापामारीमा ईडी अधिकारीहरूले कुनैपनि प्रश्नमा टिप्पणी गर्न खारेज गरे तर स्पष्ट गरे कि तलाशी अभियान एसएससी भर्ती घोटालासित जोड़िएको छ। यस घोटालामा पहिलेपनि जीवनकृष्ण साहाको नाम आइसकेको छ। अप्रेल 2023 मा सीबीआईले उनलाई यही मामिलामा पक्राउ गरेको थियो। त्यस समय आरोप थियो कि तलाशीमा साहाले साक्ष्य मेटाउने नीयतले आफ्नो दुई मोबाइल फोन पोखरीमा फ्याकेका थिए। पछि खोजी अभियानमा उक्त फोन जफत गरियो। लगभग 13 महिना जेलमा रहेपछि साहालाई सुप्रीम कोर्टबाट जमानत दिइएको थियो।

जानकारी अनुसार, ईडीले मुर्शिदाबाद जिल्लाको महिष गाउँको ब्याङ्क कर्मचारी राजेश घोषको घरमा पनि छापा मारेको छ भने कोलकाताका धेरै स्थानहरूमा पनि ईडीको टीम सक्रिय रहेको बताइएको छ।

हिन्दुस्थान समाचार / भवानी थामी