'दक्षिण भारत शब्द हिन्दी सेवी सम्मान' को लागि प्रो. प्रभाशंकर प्रेमीको नाम घोषित

बेङ्लूरु, 26 अगस्त (हि.स.)। हिन्दी रचनाकारहरूको प्रसिद्ध साहित्यिक संस्था 'शब्द' ले वर्ष 2025 को लागि 'अज्ञेय शब्द सृजन सम्मान' तथा 'दक्षिण भारत शब्द हिन्दी सेवी सम्मान' को लागि चयनित नामहरूको घोषणा गरेको छ। यस वर्ष 'अज्ञेय शब्द सृजन सम्मान' हिन्दी कवयित्री जसिन्ता केरकेट्टा र 'दक्षिण भारत शब्द हिन्दी सेवा सम्मान' शिक्षाविद् प्रोफेसर प्रभाशंकर प्रेमीलाई प्रदान गरिने छ। यो पुरस्कार आगामी 28 अगस्तका दिन एक समारोहमा प्रदान गरिने छ।

सोमवार 'शब्द' संस्थाका अध्यक्ष डा. श्रीनारायण समीरले एक बयान जारी गरेर भने, 'यी पुरस्कारहरूको लागि नामहरूको चयन हिन्दी भाषा र साहित्य विद्वानहरूको पॉंच दिवसीय मूल्यांकन समितिको संस्तुतिको आधारमा निर्णायक मण्डलले गरेको छ। निर्णायक मण्डलमा बाबूलाल गुप्ता, श्रीकान्त पाराशर, नलिनी पोपट, डा. उषारानी राव तथा डा. श्रीनारायण समीर सामेल थिए। यस पाली 35 प्रविष्टिहरू आएका थिए।'

मूल्यांकन समितिको सिफारिशको आधारमा निर्णायक मण्डलले सर्वसम्मतिमा यस वर्ष एक लाख रूपियॉंको 'अज्ञेय शब्द सृजन सम्मान' हिन्दी कवयित्री जसिन्ता केरकेट्टालाई उनको कविता संग्रह 'प्रेम मे पेड़ होना’ को लागि प्रदान गर्ने निर्णय लिएको छ। डा. समीरले भने, '25 हजार रूपियॉंको 'दक्षिण प्रभाशंकर हिन्दी सेवा सम्मान' शिक्षाविद प्रोफेसर प्रभाशंकर प्रेमीलाई कर्नाटकमा उच्च एवं प्रौढ़ शिक्षामा हिन्दी भाषा र साहित्यको प्रचार प्रसारमा उल्लेखनीय अवदानको लागि प्रदान गरिने छ।'

उनले भने, 'आगामी 28 सेप्टेम्बर, 2025 बेङ्लुरु मा आयोजित हुने सारस्वत समारोहमा पुरस्कार राशिको साथमा पारम्परिक मैसूर पेटा, स्मृति चिह्न, श्रीफल र अंगवस्त्रम् भेट गरेर दुवैलाई सम्मानित गरिने छ।' उनले भने, 'अज्ञेय शब्द सृजन सम्मान' बेङ्लुरुका प्रसिद्ध समाजसेवी र अज्ञेय साहित्यका मर्मज्ञ बाबूलाल गुप्ताको फाउण्डेशनको सौजन्यमा प्रदान गरिन्छ। यसरी नै 'दक्षिण भारत शब्द हिन्दी सेवी सम्मान' बेङ्लुरु र चेन्नईबाट प्रकाशित प्रमुख हिन्दी समाचार पत्र समूह 'दक्षिण भारत राष्ट्रमत' को सौजन्यमा प्रदान गरिन्छ।'

हिन्दुस्थान समाचार / भवानी थामी