कोलकाता, 26 अगस्त (हि.स.)। पश्चिम बंगाल राज्य प्रवासी श्रमिक कल्याण बोर्डको चेयरपर्सन एवं तृणमूल कांग्रेसका राज्यसभा सदस्य सामिरूल इस्लामले बीरभूम जिल्लाका छह जनालाई कथित रूपम दिल्लीबाट बलजफ्ती बांग्लादेश पठाइएको मामिला हाईकोर्टको संज्ञान लिइएको बताएका छन्। यसलाई लिएऱ सुप्रीम कोर्टमा पनि याचिका दर्ता गरिएको छ। सबै पीड़ितहरूलाई बांग्लदेशी अदालतमा कानूनी मद्दत दिलाउने प्रयास जारी छ। सांसद सामिरूल अनुसार, बांग्लादेशको चम्पाई नवाबगंज पुलिसले यिनीहरूलाई गत बिहिवार पक्राउ गऱ्यो र अदालतमा पेश गरेपछि जेल पठाइयो। आगामी सुनवाई सेप्टेम्बरमा हुनेछ।

बंगाल पुलिसको भनाई छ, ‘अवैध प्रवेश’ को आरोपहरूको जाँच जारी छ। यिनीहरूलाई दिल्ली पुलिसले बीएसएफलाई सुम्पेको थियो, जसपछि यिनीहरूलाई बांग्लादेश बर्डरमा ल्याएर बांग्लादेश बर्डर गार्ड्सलाई सुम्पिएको छ।

पीड़ितहरूका परिजनहरूको आरोप छ, वैध दस्तावेज भएपनि केवल बंगाली भाषा बोलेको कारण उनीहरूलाई बांग्लादेश पठाइयो, जहाँ पुलिसले पक्राउ गरी जेल पठायो। जसलाई पक्राउ गरिएको छ, त्यसमा मुरारईको पाइकर गाउँ निवासी सोनाली बीबी, उनका पति दानिश शेख र आठ वर्षीय छोरा सब्बीर सामेल छन्। यस बाहेक धितड़ा गाउँकी स्वीटी बीबी तथा उसका दुई नानी कुरबान शेख र छह वर्षीय इमाम देवां पनि सामेल छन्। यो परिवारले लामो समयदेखि दिल्लीको रोहिणी क्षेत्रमा फोहोर संकलन गर्ने काम गर्थ्यो। सोनाली बीबीकी आमा ज्योत्सना बीबीले भावुक अपील गर्दै भनिन्, ममता ब्यानर्जीसित निवेदन छ कि मेरी गर्भवती छोरीलाई सुरक्षित घर ल्याइयोस्। बंगला बोलेकै कारण दिल्ली पुलिसले उनीहरूलाई समात्यो र बांग्लादेश पठायो।

सोनालीका बाबू भुदु शेखले भने, उनीसित सबै वैध दस्तावेज छ र उनीहरू धेरै पीढ़ीहरूदेखि भारतमै बसिरहेका छन्। यस घटनाले परिवार गहिरो सदमा छ र उनीहरूले अदालतको दैलो ढकढकाएका छन्। परिजनहरूलाई आशंका छ कि कतै उनीहरूका प्रियजन लामो समयसम्म बांग्लादेशको जेलमा नफंसोस्।

हिन्दुस्थान समाचार / भवानी थामी