शिमला, 26 अगस्त (हि.स.)। हिमाचल प्रदेशमा मनसूनको कहर लगातार जारी छ। बारी वर्षाले गर्दा जनजीवन अस्त-व्यस्त बनेको छ। सबैभन्दा अधिक क्षति पर्यटन नगरी मनालीमा देखियो, जहाँ ब्यास नदीको जलस्तर बढ्दा बाहंग बजारमा एउटा रेस्टुरेन्ट (शेर-ए-पञ्जाब) र तीन-चार दोकानहरू बगे। भाग्यवश यसमा कोही हताहत भएन।

मनाली डीएसपी क्षमा दत्ता शर्माले बताइन्, खतरालाई मध्यनजर गरेर हिजो राति नै रेस्टुरेन्ट र दोकानहरूलाई खाली गराइएको थियो। तरैपनि लाखौंको सम्पत्तिको नोकसान भएको छ। मनालीमा भारी वर्षाले जनजीवन अस्त-व्यस्त छ र ठाउँ-ठाउँ स्थिति खराब छ।

मनालीदेखि कुल्लूबीच नेशनल हाईवे तीन ढंकार नदिक क्षतिग्रस्त भएको छ, जसबाट वाहनहरूको आवाजाही प्रभावित भएको छ। अहिले वाहनहरूलाई रायसन नजिक लेफ्ट ब्याङ्क भएर मनाली पठाइँदैछ। मनालीका धेरै क्षेत्रहरूमा भारी नोकसान भएको छ। सोही अवधि मनालसु नालीमा बाढ़ी आउँदा मनाली शहरको पेयजल आपूर्ति ठप्प भएको छ। प्रशासनले भनेको छ, बहालीको कार्य तब शुरू हुनेछ जब जलस्तर तल झर्नेछ। मनाली शहरका पेयजल उपभोक्ताहरूसित पानी फारो गरेर चलाउने अपील गरिएको छ।

मन्डी जिल्लामा पनि भारी क्षति देखिएको छ। चण्डीगढ़-मनाली नेशनल हाईवे ठाउँ-ठाउँ बन्द छ। पंडोहदेखि औटबीच धेरै ठाउँ माटो झर्दा आवाजाही पूर्ण रूपमा ठप्प भएको छ। हणोगी निकट सैकडौं मानिसहरूले फोरलेनका टनलहरूमा शरण लिएका छन्। मन्दिर कमिटी, प्रशासन र दानी मानिसहरूले फंसेका मानिसहरूसम्म भोजन- पानी पुऱ्याइरहेका छन्। मन्डीको बालीचौकी क्षेत्रमा दुई घर ढलेका छन्। लाछ र बाता गाउँमा लगभग 35 घर जोखिममा परेका छन्, जबकि धेरै घरहरू चर्किएका छन्।

प्रदेशभरिमा लगातार भारी वर्षा भइरहेकोले स्कूलहरूलाई पनि बन्द गर्नुपरेको छ। आज मंगलवार 9 जिल्ला शिमला, कांगड़ा, चम्बा, ऊना, मन्डी, कुल्लू, सोलन, बिलासपुर र हमीरपुरका सबै शिक्षण संस्थानहरू र आंगनबाड़ी केन्द्रहरूमा अवकाश घोषित गरियो। लाहौल स्पीति जिल्लाको लाहौल र उदयपुर उपमणडलमा पनि स्कूल बन्द राखिएको छ।

वर्षाले राज्यमा भारी नोकसान भएको छ। राज्य आपातकालीन परिचालन केन्द्र अनुसार सैकड़ौं सड़कहरू बन्द छन्। मन्डीमा 288, चम्बामा 214, कुल्लूमा 131 र सिरमौरमा 41 सड़कहरू यातायातको निम्ति अवरुद्ध छ। बिजुली आपूर्ति र पेयजल योजनाहरू पनि प्रभावित भएको छ। भारी संख्यामा बिजुली ट्रान्सफार्मर र पेयजल योजनाहरू ठप्प भएको छ।

यस मनसून सीजनमा अहिलेसम्म 306 जनाको मृत्यु भइसकेको छ जबकि 37 जना बेपत्ता छन् र 360 जना घाइते भएका छन्। 3,186 घर क्षतिग्रस्त भएका छन्, जसमध्ये 693 पूर्ण रूपमा ढले। एक्लो मन्डी जिल्लामै 1,500 घर प्रभावित भएका छन्। यस बाहेक 470 दोकानहरू र 2,819 पशुशालाहरू पनि ध्वस्त भइसकेको छ।

हिन्दुस्थान समाचार / भवानी थामी