अहमदाबाद, 26 अगस्त (हि.स.)। प्रधानमन्त्री नरेन्द्र मोदीले मंगलवार गुजरातको हंसलपुर स्थित सुजुकी मोटर प्लान्टबाट कम्पनीको पहिलो वैश्विक बेट्री इलेक्ट्रिक वाहन (बीईवी) ‘ई-विटारा’ लाई हरियो झण्डा देखाएर प्रस्थान गराए। भारतमा निर्मित यो इलेक्ट्रिक कार यूरोप र जापान जस्ता उन्नत बजारहरू सहित 100 भन्दा धेरै देशहरूमा निर्यात गरिनेछ। प्रधानमन्त्रीले भने, अब विश्वका दर्जनौं देशहरूमा जब यो इलेक्ट्रिक वाहन सड़कहरूमा दौड़िनेछ, तब त्यसमा ‘मेड इन इण्डिया’ लेखेको हुनेछ।

प्रधानमन्त्रीले कार्यक्रमलाई सम्बोधित गर्दै भने, गणेश उत्सवको यस उल्लासमा आज भारतको ‘मेक इन इण्डिया’ र ‘मेक फर द वर्ल्ड’ यात्रामा नयाँ अध्याय जोड़िएको छ। आजदेखि भारतमा बनेको इलेक्ट्रिक वाहन सय देशहरूलाई निर्यात गरिनेछ र हाइब्रिड बेट्री इलेक्ट्रोडको मेन्युफेक्चरिंग पनि शुरू भइऱहेको छ। यो दिनले भारत र जापानको मित्रतालाई नयाँ आयाम दिन गइरहेको छ।

प्रधानमन्त्रीले यस उपल्बधीको निम्ति देशवासीहरू, जापान र सुजुकी कम्पनीलाई बधाई दिए।

उनले भने, आज मारुति आफ्नो टीन एज (किशोरावस्था) मा प्रवेश गरिरहेको छ। यो पखेटा फैलाउने र सपनाहरूको उड़ान भर्ने कालखण्ड हो। गुजरातमा मारूतिको यस नयाँ चरणको अर्थ हो, आउने दिनहरूमा कम्पनीले नयाँ पखेटा फैलाउनेछ र नयाँ उमंगको साथ अघि बढ्नेछ। मोदीले याद गरे, 2012 मा जब उनी गुजरातको मुख्यमन्त्री थिए तब हंसलपुरमा मारूति सुजुकीलाई जमीन आवंटित गरेका थिए। त्यस समय पनि विजन आत्मनिर्भर भारत र ‘मेक इन इण्डिया’ को थियो। आज त्यही प्रय़ासले देशको संकल्पहरूलाई साकार गरिरहेको छ।

प्रधानमन्त्रीले भने, भारतसित लोकतन्त्रको शक्ति छ, जनसंख्याको लाभ छ र विशाल कुशल कार्य़बल छ। यही कारण हो कि भारतले हरेक साझेदारको निम्ति विन-विन सिचुएशन प्रस्तुत गर्दछ। आज जापानी कम्पनी सुजुकी भारतमा निर्माण गरिरहेको छ र यहाँ बनेका गाड़ीहरू पुनः जापानलाई निर्यात गरिँदैछ। यो भारत र जापानको मित्रताको मजबूत सम्बन्धको प्रतीक हो र ग्लोबल कम्पनीहरूको भरोसालाई पनि दर्शाउँछ। मारूति सुजुकी जस्ता कम्पनीहरू अब मेक इन इण्डियाको ब्रान्ड एम्बेसडर बनिसकेका छन्। लगातार चार वर्षदेखि मारूति भारतको सबैभन्दा ठूलो कार निय़ार्तक हो। अब यही स्तरमा इलेक्ट्रिक वाहन निर्यातको पनि शुरूआत हुन गइऱहेको छ।

प्रधानमन्त्रीले भने, इलेक्ट्रिक वाहन पारिस्थितिकी तन्त्रको सबैभन्दा महत्वपूर्ण हिस्सा बेट्री हो। केही वर्ष अगाड़ीसम्म भारत पूर्ण रूपमा आय़ातित बेट्रीहरूमाथि निर्भर थियो। यही चुनौतीको मध्यनजर 2017 मा टीडीएसजी बेट्री प्लान्टको आधार राखिएको थियो। अब यस संयंत्रमा तीन जापानी कम्पनीहरूले मिलेर पहिलो पल्ट भारतमा बेट्री सेल र इलेक्ट्रोडको निर्माण गरिरहेका छन्। यसबाट आत्मनिर्भर भारतको दृष्टिकोणलाई नयाँ शक्ति प्राप्त हुनेछ र हाइब्रिड इलेक्ट्रिक वाहनहरूको कारोबारमा गति आउनेछ।

हिन्दुस्थान समाचार / भवानी थामी