भागलपुर, 26 अगस्त (हि.स.)। बिहारको भागलपुर जिल्लाबाट एक छक्क पार्ने मामिला अघि आएको छ, जहाँ मतदाता सूचीको गहन पुनरीक्षणमा दुई पाकिस्तानी महिलाहरूको नाम भोटर लिस्टमा पाइयो। गृह मन्त्रालय र चुनाउ आयोगले तुरन्तै कारबाही गर्दै उनीहरूको नाम मतदाता सूचीबाट हटाउने आदेश दिएको छ। उल्लेख्य, यो न केवल अवैध तरीकाले मतदाता बनेका थिए, तर यिनीहरूसित आधार कार्ड र भोटर आईडी जस्ता महत्वपूर्ण दस्तावेज पनि थियो।

यी महिलाहरूले धेरै पल्ट मतदान पनि गरेका थिए। भागलपुर जिल्ला प्रशासनले बीएलओको माध्यमले फारम 7 भरेर यी महिलाहरूको नाम मतदाता सूचीबाट हटाउने प्रक्रिया शुरू गरेको छ। मामिला अघि आएपछि चुनाउ आयोग र गृह मन्त्रालयले राज्य सरकार र जिल्ला प्रशासनबाट रिपोर्ट मागेको छ र मामिलाको गहन जाँचको आदेश दिएको छ। यस अवधि विदेशी नागरिक भारतीय मतदाता सूचीमा कसरी सामेल भए भनी जाँच गरिनेछ। यी पाकिस्तानी महिलाहरूसित आधार कार्ड र भोटर आईडी कार्ड जस्ता दस्तावेज पनि थिए। उनीहरू कहाँ यस्ता दस्तावेज कसरी पुग्यो र यस धोकाधड़ीको पछाड़ी को जिम्मेवार हो भनी जाँच गरिँदैछ।

जिल्ला प्रशासनको जाँचमा पाइयो कि इमराना खानम उर्फ इमराना खातून पाकिस्तानी महिला हुन्। पूरा देशमा यसमा बबाल मचेको छ, प्रश्न उठिरहेको छ कि कसरी कुनै पाकिस्तानीले भारतमा भोट दिइऱहेकी छन्, सरकारी नोकरी गरिरहेकी छे। गत सोमवार पनि स्पेशल ब्राञ्च र इशाकचक थानाको पुलिसले उक्त स्कूलमा इमरानालाई खोज्न पुग्यो जहाँ उसले पढ़ाउनेगर्थी। सोमवार भागलपुरको इशाकचकमा पत्रकारहरूले इमरानालाई घरमा भेटाए। ओछ्यानमा सुतेकी इमरानाले बताइ कि उ बिरामी छे। यस कारण स्कूल जान सकिनन्।

यस मामिलामा जिल्ला शिक्षा पदाधिकारी राजकुमार शर्माले बताए, नगर निगमको विद्यालय अवर निरीक्षकलाई मामिलाको जाँचको निर्देश दिइएको छ।

सबैभन्दा ठूलो कुरा शिक्षाको क्षेत्रमा राम्रो योगदानको निम्ति 2006 मा पूर्व राष्ट्रपति अब्दुल कलामबाट इमरानाका पति इबनुल हकलाई राष्ट्रपति पुरस्कार प्राप्त भएको थियो। इबनुलको निधन 2018 मा भयो। स्थानीय निवासीहरू अनुसार, इमराना इबनुलकी दोस्रो पत्नी थिई। इमरानाको कुनै सन्तान छैन। वर्तमानमा उ शाहकुन्डमा शिक्षिका हुन्। घरमा पत्रकारहरूसित कुरा गर्दै इमरानाले बताइन्, आज मलाई स्कूल जानुथियो तर अस्वस्थ भएको कारण मेडिकल लीवको निम्ति अप्लाई गरेकी छु। म हृदय रोगसित ग्रसित छु। दिनदिनै स्वस्थ खराब भइरहेको छ। पाकिस्तानी रहेको कुरा खारेज गर्दै उनले भनिन्, उ भारतमै जन्मेकी हो। जन्म कहिले भयो यो राम्ररी याद छैन। आमा-बाबूको निधनपछि भीखनपुरमै बस्ने उनकी आफन्त गोशिया खानमले उनको पालन पोषण गरेकी हुन्। उनले दाबी गरिन्, मलाई पाकिस्तानी रहेको विवादमा बूथ लेवल अफिसर फरजाना खातूनले घसिटेकी हुन्। उ मेरै जमीनमा 40 वर्षदेखि भाड़ामा बसिरहेकी छन्। पहिले भाड़ा दिनेगर्थिन् तर अब भाड़ा पनि दिँदिनन्।

इमरानाको विदोशी पार्सपोर्ट नम्बर 981093/1956 अनुसार उनको जन्म जनवरी 1956 मा भएको हो। यसमा यसको पनि उल्लेख छ कि इमराना खानम नामकी महिला 3 सालको भीसामा पाकिस्तानबाट भारत आइन् तर शिक्षा विभागको रिपोर्टमा इमराना खातूनको जन्मतिथि 2 मार्च 1966 अंकित छ। प्रश्न उठ्छ कि कुनै महिला जन्म अगाड़ी कसरी भारत पुगिन्। दोस्रो पहिचान पत्र बनाउँदा तारिक बदली गरेको आशंका छ।

अर्कोतिर, भागलपुरका एसएसपी हृदयकान्तले बताए, पाकिस्तानी महिला प्रकरणको जाँचलाई डीएसपीलाई आदेश दिइएको छ। जाँचको आधारमा जेपनि रिपोर्ट आउनेछ, त्यसको आधारमा अग्रिम कारबाही गरिनेछ।

हिन्दुस्थान समाचार / भवानी थामी