नयाँ दिल्ली, 27 अगस्त (हि.स.)। कांग्रेसका पूर्व अध्यक्ष एवं लोकसभामा विपक्षका नेता राहुल गान्धीले बुधवार गुजरातका धेरै अनाम राजनीतिक पार्टीहरूलाई 4300 करोड़ रूपियाँको चन्दा प्राप्त भएको आरोप लगाए। उनले यस मुद्दामा चुनाउ आयोगको भूमिकामाथि पनि प्रश्न खड़ा गर्दै यसको जाँच गराउने माग गरे।

राहुल गान्धीले एक्समा एक खबरलाई पोस्ट गर्दै भनेका छन्, गुजरातमा केही यस्ता पार्टीहरू छन्, जसको नाम शायदै कसैले सुनेको छ होला तर यिनीहरूले 4300 करोड़ रूपियाँको चन्दा पाएका छन्। यी पार्टीहरूले या त धेरै कम पल्ट चुनाउ लड़ेका छन् या फेरि चुनावी प्रक्रियामा कुनै उल्लेखनीय खर्चा गरेका छैनन्। यो दाबी त्यही खबरमा गरिएको थियो।

राहुलले भने, आखिर यति ठूलो रकम कहाँबाट आयो, यी पार्टीहरूलाई कसले चलाइऱहेको छ र यो पैसा कहाँ गयो ? के चुनाउ आयोगले यसको जाँच गर्नेछ या फेरि सदा झैं पहिले एफिडेविट माग्नेछ ? या फेरि चुनाउ आय़ोगले कानून नै बदली गर्नेछ, ताकि यो डेटा पनि लुकाउन सकियोस्।

हिन्दुस्थान समाचार / भवानी थामी