रायपुर, 27 अगस्त (हि.स.)। छत्तीसगढ़को बस्तर सम्भागमा लगातार वर्षाले जनजीवन अस्त-व्यस्त भएको छ। नदी-नालाको पानीको स्तर बढ़ेको छ। ओडिशा तट निकट उत्तर-पश्चिम बंगालको खाड़ीमा बनेको निम्न दबाउ क्षेत्रको कारण राज्यमा आगामी तीन दिनसम्म घना वर्षाको सम्भावना छ।

मौसम विभागले जानकारी दिएको छ, बस्तर, दन्तेवाड़ा, कांकेर, नारायणपुर, बीजापुर र सुकमा जिल्लाहरूमा आगामी 48 देखि 72 घण्टासम्म धेरै ठाउँ घना वर्षा हुनसक्छ। यी जिल्लाहरूमा बिजुली गर्जनको साथ चट्याङ झर्ने सम्भावना पनि छ।

मौसम विज्ञान केन्द्र रायपुरले आगामी तीन दिनसम्म दक्षिणी छत्तीसगढ़का धेरै हिस्साहरूमा भारीदेखि अति भारी वर्षाको पूर्वानुमान व्यक्त गरेको छ। यस बाहेक उत्तरी र मध्य छत्तीसगढ़का धेरै क्षेत्रहरूमा सामान्य पानी पर्ने सम्भावना छ। दक्षिणी छत्तीसगढ़का साथै प्रदेशको उत्तरी जिल्लाहरू सरगुजा, कोरिया, सूरजपुर, बलरामपुर र जशपुरमा मध्यमदेखि घना वर्षाको सम्भावना छ। बिलासपुर, मुंगेली र कोरबा जिल्लाहरूमा पनि धेरै ठाउँ पानी पर्नसक्छ। रायपुर, धमतरी, महासमुन्द, गरियाबन्द सहित दुर्ग, राजनांदगाउँ र कबीरधाम जिल्लाहरूमा हल्कादेखि मध्यम वर्षा हुनसक्छ। यद्यपि, एक-दुई ठाउँ घना वर्षापनि हुनसक्छ।

बस्तर सम्भागमा घना वर्षाले बाढ़ी आएको छ। घना वर्षाको कारण चेरपाल नदीमा आएको बाढ़ीको कारण जिल्ला मुख्यालयसित लगभग 100 गाउँको सम्पर्क विच्छेद भएको छ। यही वर्षामा एनएच 30 को सड़क काटिएको छ। बाढ़ीको कारण बस्तर जिल्लाको मान्दर गाउँको 85 घर जलमग्न भयो। 15 जनालाई एसडीआरएफको टीमले गाउँबाट बाहिर निकाल्यो। 6 जना गम्भीर अवस्थामा फंसेको कारण उनीहरूको रेस्क्यू वायु सेनाको हेलीकप्टरद्वारा गरियो। मान्दर गाउँमा राहत शिविर केन्द्र बनाइएको छ। केशलूरमा 15 भन्दा अधिक गाड़ीहरूमा फंसेका 50 भन्दा धेरै मानिसहरूको रेस्क्यू गरियो। बाढ़ीको कारण ठाउँ-ठाउँ सड़कहरू भत्केका छन्। जगदलपुर-दंतेवाड़ा मार्गमा बागमुंडी पनेडा नजिक सड़क भत्केको छ। यसबाट आवागमनमा समस्या भइऱहेको छ। यद्यपि, प्रशासनको तरफबाट वैकल्पिक व्यवस्था गरिने भनिएको छ। एनएच 30 को सड़क काटिएकोले गत 24 घण्टादेखि आवागमन बाधित छ।

बीजापुर जिल्ला प्रशासनबाट प्राप्त जानकारी अनुसार, सोमवार अबेर रातिदेखि झमाझम पानी पर्नु जारी छ। यसले गर्दा पूरा जिल्लामा जन-जीवन अस्त व्यक्त भएको छ।

बस्तरका अतिरिक्त पुलिस अधीक्षक महेश्वर नागले बताए, सोमवार छत्तीसगढ़को कांगेर घाटी राष्ट्रिय उद्यान क्षेत्रमा एनएच 30 मा दरभा निकट एक दुर्घटनामा एकै परिवारका चार सदस्यको मृत्यु भयो। मृतकहरूमा पति-पत्नी र उनका दुई सन्तान सामेल छन्। दुर्घटना त्यस समय भयो जब परिवारको कार बाढ़ीको पानीमा बग्यो।

हिन्दुस्थान समाचार / भवानी थामी