कोलकाता, 27 अगस्त (हि.स.)। अमेरिकी राष्ट्रपति डोनाल्ड ट्रम्पद्वारा भारतमाथि लगाइएको 25 प्रतिशत अतिरिक्त टेरिफले पश्चिम बंगालको श्रम-आधारित निर्यात अर्थव्यवस्थालाई गहिरो झटका दिएको छ। राज्यको लेदर, इन्जीनियरिङ र मरीन सेक्टरलाई भारी नोकसान हुने आशंका व्यक्त गरिँदैछ।

आजदेखि प्रभावी भएका यी बढ़ेका दरहरूपछि अमेरिकाद्वारा भारतीय उत्पादहरूमाथि कूल 50 प्रतिशत शुल्क लगाइँदैछ। यो कदम भारतको तर्फबाट रूसी कच्चा तेलको खरीदलाई लिएर उठाइएको हो। व्यापारिक अनुमान अनुसार, यस फसेलाले भारतको कम्तीमा 45 हजार करोड़को निर्यात प्रभावित हुनेछ र पश्चिम बंगाललाई सबैभन्दा ठूलो नोकसान बेहोर्नुपर्नसक्छ।

फेडरेशन अफ इण्डियन एक्सपोर्ट अर्गनाइजेशन्स (फाईओ) का पूर्वी क्षेत्रका चेयरम्यान योगेश गुप्ताले भने, मरीन निर्यात सबैभन्दा अधिक प्रभावित हुनेछ। पश्चिम बंगालले भारतको 12 प्रतिशत समुद्री खाद्य निर्यातमा योगदान दिँदछ, जसमा उत्तर र दक्षिण 24 परगना तथा पूर्व मिदनापुर जिल्लाहरूको झींगा प्रजातिहरू प्रमुख छन्।

सीफूड्स एक्सपोर्टर्स एसोसिएशन अफ इण्डिया (ईस्ट) का चेयरमैन राजर्षि ब्यानर्जी मुताबिक, बंगालबाट अमेरिका जाने 5000-6000 करोड़को समुद्री उत्पाद निर्यातमाथि सोझो असर पर्नेछ। यस कारण 7-10 हजार नोकरीमाथि तत्काल जोखिम मड़ारिरहेको छ। बंगालको लेदर उद्योग पनि गहिरो संकटमा छ। कोलकाता निकट बंटाला स्थित लेदर हबमा एक्लो 5 लाखभन्दा अधिक मानिसहरूले काम गर्छन्।

इण्डियन लेदर प्रोडक्ट्स एसोसिएशनका वरिष्ठ उपाध्यक्ष मोहम्मद अजरले भने, केवल भारत र ब्राजीललाई 50 प्रतिशत टेरिफ झेल्नु परिरहेको छ जबकि दक्षिण-पूर्व एशियालाई केवल 19-20 प्रतिशत दरको सामना गर्नुपरिरहेको छ। यसबाट भारतीय निर्यात अमेरिकी बजारमा टिक्न सक्नेछैन।

पश्चिम बंगालले भारतको कूल लेदर निर्यातको लगभग 50 प्रतिशत योगदान दिँदछ, जसको वार्षिक मूल्य 5000-6000 करोड़ छ। अमेरिकाले यस निर्यातको लगभग 20 प्रतिशत हिस्सा किन्दछ।

कोलकाताको लेदर हबमा 538 टेनरी, 230 फुटवियर यूनिट र 436 लेदर गुड्स एकाईहरू छन्। उद्योग जगतले चेताउनी दिएको छ कि यसको असर यूरोपीय बजारहरूमाथि पनि पर्नसक्छ किनभने कोलकाताबाट बनेका उत्पाद प्रायः यूरोप हुँदै अमेरिका पठाइन्छ।

इन्जीनियरिङ एक्सपोर्ट प्रमोशन काउन्सिल (ईईपीसी) का पूर्व चेयरम्यान र प्रमुख कास्टिङ निर्यातक राकेश शाह अनुसार, अमेरिका भारतको 20-21 अरब डलरको इन्जीनियरिङ निर्यातको सबैभन्दा ठूलो खरीदार हो। यसमध्ये लगभग एक अरब डलरको निर्यात एक्लो पश्चिम बंगालबाट हुन्छ।

उनी अनुसार, राज्यको 50 हजारदेखि एक लाखसम्म नोकरी यस व्यापारसित सोझो रूपमा जोड़िएको छ।

हिन्दुस्थान समाचार / भवानी थामी