जम्मू, 27 अगस्त (हि.स.)। वैष्णो देवी मार्गमा मंगलवार गएको पैह्रो र घना वर्षाको कारण अहिलेसम्म 10 जनाको मृत्यु भइसकेको छ। मृतकहरूमा वैष्णो देवीको यात्रामा सामेल 6 श्रद्धालु पनि सामेल छन्। यस दुर्घटनामा मृतकहरूको संख्या बढ्ने आशंका छ। जम्मू सम्भागमा घना वर्षाले भारी क्षति भएको छ। राज्यका मुख्यमन्त्री उमर अब्दुल्लाले उनले स्थितिमाथि लगातार नजर राखिरहेको बताएका छन्। उनले केन्द्रिय गृहमन्त्री अमित शाहलाई फोनमा यहाँको स्थितिबारे जानकारी दिएका छन्।

मंगवलार जम्मू सम्भागमा भारी वर्षा र वैष्णो देवी मार्गमा पैह्रोको चपेटमा परेर छह श्रद्धालुहरू सहित कूल 10 जनाको ज्यान गएको छ। यस दुर्घटनामा मर्नेहरूको संख्य बढ्नसक्ने आशंका छ। वैष्णो देवी मन्दिरको तीर्थयात्रा स्थगित गरिएको छ।

राज्यका मुख्यमन्त्री उमर अब्दुल्लाले एक्स पोस्टमा वैष्णो देवी मार्गमा पैह्रोमा ज्यान गुमाउनेहरूप्रति गहिरो समवेदना व्यक्त गर्दै लेखेका छन्, उनले यस सम्बन्धमा केन्द्रिय गृहमन्त्री अमित शाहसित फोनमा कुरा गरी राज्यमा घना वर्षाको कारण उत्पन्न स्थिति र नोकसानबारे जानकारी दिएका छन्।

उल्लेख्य, त्रिकुटा पहाड़ी स्थित माता वैष्णो देवी मन्दिरको घुमाउरो बाटोमा हिजो दिउँसो लगभग 3 बजी यो दुर्घटना घट्यो। यस दुर्घटनामा मृतकहरूको संख्या बढ्नसक्छ। अधिकारीहरूले बताए, क्षेत्रमा राहत र बचाउ कार्य जारी छ।

जम्मूका रक्षा जनसम्पर्क अधिकारीले बताए, कटरा र त्यसका वरपर बचाउ र राहत कार्यमा सेनाका तीन राहत टुक्रीलाई तुरन्तै तैनाथ गरियो। उनले एक्समा पोस्ट गरेका छन्, सेनाको एक टुक्रीले अर्धकुंवारी, कटरामा मानिसको ज्यान बचाउमा मद्दत गरिरहेको छ, एक राहत टुक्री कटरादेखि ठकरा कोट जाने सड़कमा पैह्रो गएको ठाउँमा पुगेको छ र सेनाको एक टुक्रीले जौरियाँको दक्षिणमा सहायता प्रदान गरिरहेको छ। मानिसहरूको ज्यान बचाउने, खाँचो परेकाहरूलाई सहायता प्रदान गर्ने र नागरिकहरूलाई सुरक्षित क्षेत्रहरूमा लैजाने प्रयास जारी छ।

लगातार मूसलधारे वर्षाले कश्मीर घाटीमा पनि भारी क्षति भएको छ। पुल बग्दा र मोबाइल टावरहरू तथा बिजुलीका खम्बाहरूलाई नोकसान भएको कारण दूरसंचार र बिजुली आपूर्तिको समस्याहरू आइरहेको छ। अधिकारीहरूले बताए, केन्द्र शासित प्रदेशको ठूलो हिस्सामा दूरसंचार सेवाहरू ठप्प भएको छ, जसबाट लाखौं मानिसहरू संचारदेखि वञ्चित भएका छन्।

उनले बताए, जम्मू-श्रीनगर र किश्तवाड़-डोडा राष्ट्रिय राजमार्गहरूमा आवाजाही स्थगित गरिएको छ। दर्जनौं पहाड़ी सड़कहरू पैह्रो वा अचानक बाढ़ीको कारण अवरूद्ध वा क्षतिग्रस्त भए। जम्मू आउने-जाने धेरै ट्रेनहरूलाई रद्द गरियो।

हिन्दुस्थान समाचार / भवानी थामी