पटना, 28 अगस्त (हि.स.)। बिहार पुलिस मुख्यालयले बिहिवार राज्यमा पाकिस्तान स्थित संगठनहरूका आतङ्कीहरू छिरेको गोप्य रिपोर्ट पाएपछि राज्यव्यापी हाईअलर्ट जारी गऱ्यो।

वरिष्ठ अधिकारीहरू अनुसार, आतङ्की समूह जैश-ए-मोहम्मदका तीन संदिग्ध सदस्य नेपाल सीमा नाघेर बिहारमा छिरेका छन्।

बिहार पुलिसको तर्फबाट साझा गरिएको जानकारी अनुसार, संदिग्धहरूको पहिचान रावलपिन्डीको हसनैन अली, उमरकोटको आदिल हुसैन र बहावलपुरको मोहम्मद उस्मानको रूपमा गरिएको छ। गोप्य रिपोर्टहरूबाट थाहा लागेको छ कि उनीहरू अगस्तको दोस्रो हप्तामा काठमाण्डौं पुगेका थिए र गत हप्ता बिहारमा छिरेका थिए।

बिहार पुलिस मुख्यालयले सीमावर्ती जिल्लाहरूको पुलिसको साथ संदिग्धहरूको पासपोर्ट सम्बन्धी विवरण साझा गरेको छ। सुरक्षा एजेन्सीहरूलाई निगरानी बढ़ाउने र गोप्य जानकारी एकत्र गर्ने निर्देश दिइएको छ। जिल्ला गोप्य एकाईहरूलाई कुनैपनि संदिग्ध गतिविधिको आधारमा आवश्यक कारबाही गर्नु भनिएको छ। बिहारमा अपरेशन सिन्दूर र यस सालको अन्तमा हुने विधानसभा चुनाउको मध्यनजर मईमा भारत-नेपाल सीमा र सीमाञ्चल जिल्लाहरूमा सुरक्षा बढ़ाइएको थियो। बिहारमा मधुबनी, सीतामढ़ी, सुपौल, अररिया, पूर्वी र पश्चिमी चंपारण, किशनगंज जिल्लाहरू सहित सीमावर्ती क्षेत्रहरूमा पेट्रोलिङ बढ़ाइएको छ।

बिहारले नेपालको साथ लगभग 729 किलोमीटर लामो खुल्ला सीमा साझा गर्दछ। लामो समयदेखि घुसपैठ र सीमा पारीबाट आवाजाहीको प्रमुख केन्द्र बनेको छ। राज्यका सात जिल्लाहरू यस खुल्ला सीमामा स्थित छन्, जसले निरन्तर निगरानी र सुरक्षा प्रवर्तनको निम्ति ठूलो चुनौतीहरू पेश गर्दछ।

हिन्दुस्थान समाचार / भवानी थामी