नयाँ दिल्ली, 26 अगस्त (हि.स.)। राष्ट्रिय स्वयंसेवक संघका सरसंघचालक डा. मोहन भागवतले स्पष्ट गर्दै संघले सरकारको लागि निर्णय लिँदैन भनी बताएका छन्। डा. भागवतले जोड दिॅंदै भने, संघ र सरकार दुवैको भूमिका अलग छन् र निर्णय प्रक्रिया सरकारको जिम्मेवारी हो। डा. भागवत विज्ञान भवनमा बिहिवार तीन दिवसीय व्याख्यान श्रृंखला '100 वर्षको संघ यात्रा: नयॉं क्षितिज' को तेस्रो दिन जिज्ञासा समाधान सत्रमा प्रश्नहरूको उत्तर दिइरहेका थिए।

संघ र भाजपाका सम्बन्ध र संघका विभिन्न संगठनहरूमाथि तथा संघका विरोधी राजनीतिक दलहरूसॅंग सम्बन्धित प्रश्नहरूको जवानमा भागवतले भने, संघ र यससॅंग सम्बद्ध संगठनहरूबीच विचारहरूको मतभेद हुन सक्छ, तर मनभेद हुॅंदैन। उनले भने, संघ कुनै पनि संगठनमाथि अधीनता थोप्दैन, उनीहरूको कामकाजमा हस्तक्षेप पनि गर्दैन। सबै संगठन स्वतन्त्र र आत्मनिर्भर छन् तथा आआफ्नो स्तरमा निर्णय लिन्छन्। उनले भने, हाम्रो यहॉं मतभेद हुनसक्छन्, तर मनभेद छैन। के संघले सबै तय गर्छ? यो एकदमै गलत हो। यस्तो हुनै सक्दैन। म धेरै वर्षदेखि संघ चलाइरहेको छु र उनीहरूले सरकार चलाइरहेका छन्। हामी केवल सल्लाह दिन सक्छौं, निर्णय होइन। यदि हामीले नै तय गर्नु हो भने यति समय किन लाग्ने थियो?

संघ र भाजपाको सम्बन्धलाई लिएर उठ्ने प्रश्नमा उनले भने, दुईबीच टकराव छैन। हामी सबै सरकारसॅंग राम्रो तालमेल राख्छौं, चाहे त्यो राज्य को होस् वा केन्द्र को। कहिलेकाहीं प्रणालीगत कारणहरूले केही कठिनाई आउॅंछ। यो त्यही प्रणाली हो जुन अंग्रेजहरूले शासनको लागि बनाएको थियो, त्यसमा अन्तर्विरोध हुन्छ। यस्तो स्थितिमा सबै मुद्दाहरूमा एकमत हुनु सम्भव छैन, तर लक्ष्य एउटै हो, देशको कल्याण।

डा. भागवतले स्पष्ट गरे, भाजपा र संघ दुवैको भूमिकाहरू भिन्न छन्। म शाखाहरू चलाउनमा विशेषज्ञ हुॅं र भाजपा सरकार चलाउनुमा। हामी एक अर्कालाई सुझाउ दिन सक्छौं, तर निर्णय सरकारकै हुन्छ। उनले भने, संगठन र दलहरूबीच कहिलेकाहीं विचारहरूमा भिन्नता देखिन्छ, तर यो संघर्ष होइन्। यस्ता मामिलाहरूमा झगडा जस्तो लाग्न सक्छ, तर असलमा यो प्रक्रियाको हिस्सा हो। मतभेद स्वाभाविक हो, तर मनभेद होइन। सबैले इमानदारी र नि:स्वार्थ भावले कार्य गरिरहेका छन् भन्ने हामी एक अर्कामाथि विश्वास गर्छौं।

डा. भागवतले भने, संघको लक्ष्य संगठन विस्तार होइन, तर समाजमा सकारात्मक मूल्यहरूको प्रसार र राष्ट्रहितमा कार्य गर्नु हो।

हिन्दुस्थान समाचार / बिशाल