नयाँ दिल्ली, 28 अगस्त (हि.स.)। भारतीय जनता पार्टी (भाजपा) ले कांग्रेस नेता राहुल गान्धी र राष्ट्रिय जनता दलका नेता तेजस्वी यादवले राजनीतिलाई जुन स्तरसम्म झार्ने काम गरेका छन्, त्यसलाई भारतीय लोकतन्त्रको निम्ति दुर्भाग्यपूर्ण बताएको छ।

भाजपाले भन्यो, प्रधानमन्त्री नरेन्द्र मोदीकी दिवंगत आमाको निम्ति जुन प्रकारको अभद्र भाषा उनको मंचबाट बोलियो, त्यसले राजनीतिक गरिमाका सबै सीमाहरू तोड़ेको छ। भाजपा महासचिव तरूण चुगले पार्टी मुख्यालयमा मीडियालाई भने, राजनीतिमा वैचारिक मतभेद हुनसक्छ तर कसैको आमाको अपमान गर्नु घोर निन्दनीय हो।

यस आचरणले बताउँछ, राहुल र तेजस्वीले जनताको विश्वास गुमाएका छन् र अब उनीहरूले राजनीतिक हताशामा सामाजिक मर्यादाहरूलाई तोड़िरहेका छन्। बिहारका जनताले अपमानलाई कहिले पनि स्वीकार गरेको छैन। राहुल र तेजस्वीले यदि हजार पल्ट पनि माफी मागे, तबपनि यस अभद्रताको निम्ति उनीहरूलाई क्षमा गर्नमिल्दैन। राहुल गान्धी र तेजस्वीले प्रधानमन्त्री नरेन्द्र मोदीको विकासदेखि डराएर झूठा कुराहरू फैलाइरहेका छन्। प्रधानमन्त्री मोदीले ईमानदारीले देशको सेवा गरिरहेका छन्। जनताले साँचो मनले उनीमाथि विश्वास गर्दछ।

चुगले पञ्जाबका मुख्यमन्त्री भगवन्त सिंह मानमाथि पनि हमला गरे। चुगले भने, प्रचारमा व्यस्त मुख्यमन्त्री मानले केन्द्रका योजनाहरूलाई आफ्नो बताएर जनतालाई केवल भ्रमित पारिरहेका छन्। पञ्जाब ऋण, बेरोजगारी र जर्जर कानून व्यवस्थासित जुझिरहेको छ। अब जनताले बुझिसकेको छ कि झूठा वाचाहरू र देखावटीले होइन कामबाट विकास हुन्छ।

हिन्दुस्थान समाचार / भवानी थामी