गुवाहाटी, 29 अगस्त (हि.स.)। केन्द्रिय गृहमन्त्री अमित शाहले शुक्रवार गुवाहाटी स्थित असम राजभवनको नवनिर्मित ‘ब्रह्मपुत्र विंग’ को वैदिक मन्त्रोच्चारणबीच उद्घाटन गरे। 41 करोड़को लागतले बनेको यस भवनमा ब्रह्मपुत्र नदीको मनोहारी परिवेशमा अत्याधुनिक सुविधाहरू उपलब्ध गराइएको छ।

यस नवनिर्मित परिसरमा राज्यपाल कार्यालय, अतिरिक्त आयुक्त कार्यालय, सम्मेलन कक्ष, प्रतीक्षा कक्ष, पुस्तकालय, राज्यपाल सूट र प्रेसिडेन्शियल सूट जस्ता सुविधाहरू छन्। यस अवसरमा असमका राज्यपाल लक्ष्मण प्रसाद आचार्य, असमका पूर्व राज्यपाल तथा वर्तमान पञ्जाबका राज्यपाल गुलाब चन्द कटारिया, पूर्व राज्यपाल बनवारीलाल पुरोहित, प्रो. जगदीश मुखी, असम सरकारमा मन्त्री रंजीत कुमार दास सहित राज्यका मुख्य सचिव रवि कोटा समेत धेरै वरिष्ठ अधिकारीहरू उपस्थित रहे।

उद्घाटन अगाड़ी अमित शाहले गौ पूजन गरे औं राजभवन प्रांगणमा बिरूवा पनि रोपे। यस अवसरमा उनक साथ मुख्यमन्त्री डा. हिमन्त बिस्व सरमा, केन्द्रिय मन्त्री सर्वानन्द सोनोवाल, वरिष्ठ मन्त्री रंजीत दास समेत अन्य नेताहरू उपस्थित रहे।

गृहमन्त्रीले गृह मन्त्रालयको अधीन अन्य धेरै परियोजनाहरूको पनि उद्घाटन गरे, जसमा देरगाउँ स्थित लचित बरफूकन पुलिस अकादमीमा नेशनल साइबर फोरेन्सिक लेबोरेटरी, गुवाहाटीमा एसएसबी परिवारहरूका लागि स्वास्थ्य सुविधाहरूले युक्त आधुनिक आवासीय परियोजना, सोनापुर स्थित आईटीबीपीको 33औं बटालियनको निम्ति 360 जवानहरूको बैरक, मेस र 10 बेडको अस्पताल, असम राइफल्सको निम्ति आईजी मुख्यालय, सिलचरमा नयाँ यूनिट र जोरहाट सेन्टर (आवासीय एवं प्रशासनिक) परियोजना सामेल छन्।

ज्ञात होस्, यस कार्यक्रमपछि अमित शाह सीधा खानापाड़ा फील्ड प्रस्थान भए, जहाँ एनडीए पञ्चायत प्रतिनिधि सम्मेलन आयोजित गरियो। गृहमन्त्रीले राज्यका विभिन्न हिस्साहरूबाट आएका पञ्चायत प्रतिनिधिहरूलाई सम्बोधित गर्नेछन्।

हिन्दुस्थान समाचार / भवानी थामी