चण्डीगढ़, 29 अगस्त (हि.स.)। सीमा सुरक्षा बल (बीएसएफ) ले पञ्जाबमा एकसाथ तीन अपरेशन चलाएर प्रचुर मात्रामा हेरोइन जफत गर्नका साथै एक तस्करलाई पनि पक्राउ गऱ्यो। अटारी सेक्टरमा पक्रा परेको तस्करलाई अग्रिम कारबाहीको निम्ति नारकोटिक्स कन्ट्रोल ब्यूरो (एनसीबी) लाई सुम्पियो।

बीएसएफको टीमले पेट्रोलिङमा फिरोजपुर जिल्लामा पञ्जाब पुलिसको साथ संयुक्त अपरेशन चलायो। तलाशीमा एक असेम्बल्ड हेक्साकप्टर जफत गरियो, जसमा 12 प्याकेट हेरोइन लुकाइएको थियो। यसको कूल ओजन 6.086 किलोग्राम थियो। जाँच एजेन्सीहरूको भनाई छ, यस हेक्साकप्टरको प्रय़ोग पाकिस्तानको तर्फबाट भारतीय सीमामा खेप खसाल्नको निम्ति गरिएको थियो। यसबाहेक फाजिल्का जिल्लामा पनि बीएसएफ जवानहरूले सतर्कता देखाउँदै 536 ग्राम हेरोइनको एउटा प्याकेट जफत गऱ्यो।

बीएसएफ अधिकारीहरू अनुसार, हालका वर्षमा पाकिस्तान समर्थित ड्रग्स तस्करहरूले अब ड्रोन र हेक्साकप्टर जस्ता साधनहरूको प्रयोग गरिरहेका छन्। उनीहरूको लक्ष्य सीमा पारीबाट प्रचुर मात्रामा नशा भारतीय क्षेत्रमा खस्लानु हो। बीएसएफले स्पष्ट पाऱ्यो, उसको सतर्कता र टेक्नोलोजीको मद्दतले यस्ता हरेक मनसायलाई विफल पारिनेछ।

बीएसएफ प्रवक्ताले भने, चाहे प्राकृतिक आपदाहरू होस् या दुश्मनको नयाँ षड़यन्त्र, जवानहरू हरेक स्थितिमा सीमालाई सुरक्षित राख्न र देशलाई नशाको मारदेखि बचाउनका लागि तत्पर छन्।

हिन्दुस्थान समाचार / भवानी थामी