नयाँ दिल्ली, 29 अगस्त (हि.स.)। भारतीय जनता पार्टी (भाजपा) ले प्रधानमन्त्री नरेन्द्र मोदीमाथि निजी हमलाको निन्दा गर्दै यसलाई अलोकतान्त्रिक बताएको छ।

भाजपाका राष्ट्रिय महासचिव तरूण चुगले शुक्रवार पार्टी मुख्यालयमा मीडियालाई भने, राहुल गान्धी र उनको कांग्रेस पार्टीले बारम्बार प्रधानमन्त्री मोदीमाथि निजी हमला गरिरहेको छ। वंशवाद र भ्रष्टाचारको राजनीति जब उजागर भयो तब आवेगमा आएर प्रधानमन्त्री मोदीकी दिवंगत आमासम्मलाई लक्षित गरिएको छ। यो खस्दै गएको राजनीति मात्र नभएर जनताको पनि अपमान हो। राहुल गान्धी एवं इन्डी गठबन्धनका नेताहरूलाई कसरी एक गरीबको छोरा प्रधानमन्त्री पदमा बसेको छ र उनको नेतृत्वमा देश प्रगति र विश्वगुरू बन्नतिर अग्रसर छ भनी सहनु गाह्रो भइरहेको छ। प्रधानमन्त्री मोदीले युवराज एवं उनको पूरा गिरोहको वंशवाद र घृणाको दोकान बन्द गराएका छन्। यही आवेगमा अब इन्डी गठबन्धनका नेता प्रधानमन्त्रीकी आमालाई अपशब्द भनिरहेका छन्, जुन निन्दनीय हो।

चुगले ममता ब्यानर्जीमाथि पनि हमला गरे। उनले भने, पश्चिम बंगालकी मुख्यमन्त्रीले बांग्लादेशी घुसपैठीहरूलाई भोटर बनाएर बंगालमा विभाजनकारी राजनीति फैलाइरहेकी छन्। उनले बंगाललाई दोस्रो बांग्लादेश बनाउन चाहन्छिन्, तर भाजपाले यसो कहिले पनि हुनदिनेछैन।

हिन्दुस्थान समाचार / भवानी थामी