पटना, 29 अगस्त (हि.स.)। बिहारको दरभंगामा महागठबन्धनको भोटर अधिकार यात्राको मंचबाट प्रधानमन्त्री नरेन्द्र मोदी विरूद्ध अमर्यादित टिप्पणी गर्ने युवकलाई पक्राउ गरिएको छ। भारतीय जनता पार्टी (भाजपा) का जिल्ला अध्यक्ष आदित्य नारयाण झाले सिमरी थानामा उविरूद्ध आवेदन दिएका थिए।

प्रधानमन्त्रीमाथि अमर्यादित भाषाको प्रयोग गर्ने युवकको पहिचान सिंहवाड़ा थाना क्षेत्रको भोपुरा गाउँ निवासी मोहम्मद रिजवी ऊर्फ रजा (20 वर्ष) पिता मोहम्मदको रूपमा गरिएको छ। घटनाको जानकारी पाउनसाथ दरभंगा पुलिसले त्वरित कारबाही शुरू गऱ्यो र बिहिवार अबेर राति छापा मारेर मोहम्मद रिजवीलाई उसको गाउँबाट पक्राउ गऱ्यो।

यो घटना बिठौली चौकमा कांग्रेसको भोटर अधिकार यात्रामा घटेको थियो। यस आपत्तिजनक टिप्पणीमा दरभंगा भाजपाका जिल्ला अध्यक्ष आदित्य नारायण झाले महागठबन्धनका नेता मोहम्मद नौसाद, पिता मोहम्मद अरशद, गाउँ देवरा बन्दौली थाना जाले विरूद्ध सिमरी थानामा आवेदन दिएका थिए।

दरभंगाका नगर पुलिस अधीक्षक (सिटी एसपी) अशोक कुमार चौधरीले बताए, पुलिसले एक व्यक्तिलाई पक्राउ गऱ्यो, जसले प्रधानमन्त्री विरूद्ध कथित रूपमा आपत्तिजनक शब्दहरूको प्रयोग गरेको थियो। यो कारबाही एउटा भीडियो भाइरल भएपछि गरियो, जुन इण्डिया ब्लक ऱ्यालीसित सम्बन्धित थियो, जसमा प्रधानमन्त्री र उनकी मृत आमा विरूद्ध अपमानजनक टिप्पणीहरू गरिएको थियो। पुलिसले अहिले आरोपीसित सोधपुछ गरिरहेको छ ताकि घटनाको पछाड़ीको उद्देश्य र परिस्थितिहरूको पत्तो लगाउन सकियोस्। कानूनको उल्लङ्घन गर्नेहरू विरूद्ध कठोर कारबाही गरिनेछ, पुलिस अधिकारीले स्पष्ट पारे।

यस घटनाले स्थानीय स्तरमा राजनीतिक हलचललाई जन्म दिएको छ। मुख्यमन्त्री नीतीश कुमारले दरभंगामा मतदाता अधिकार यात्रामा कांग्रेस र राष्ट्रिय जनता दल (राजद) को मंचबाट प्रधानमन्त्री र उनकी दिवंगत आमा विरूद्ध अभद्र भाषाको प्रयोगको कड़ा शब्दमा निन्दा गरेका छन्। उनले भने, यस प्रकारको टिप्पणीहरू न केवल अनुचित हो तर राजनीतिक मर्यादालाई पनि आघात पुऱ्याउँदछ।

हिन्दुस्थान समाचार / भवानी थामी