आइजोल, 29 अगस्त (हि.स.)। सीमा सुरक्षा बल (बीएसएफ) को आइजोल सेक्टर मुख्यालय र मिजोरमको सेरछिप स्थित नारकोटिक्स कन्ट्रोल ब्यूरो (एनसीबी) को संयुक्त अभियानमा 144 करोड़ रूपियाँको 9.6 लाख मेथामफेटामाइनको गोली जफत गरिएको छ।

बीएसएफ सूत्रहरूले शुक्रवार बतायो, एक पिकअप वाहन (एमजेड-01एई-8791) लाई गोप्य सूचनाको आधारमा हिजो अबेर साझँ तलाशीको निम्ति रोकियो। वाहनबाट नशालु मेथामफेटामाइनको गोलीहरू जफत गरियो। घटनास्थलमा तीन जनालाई पक्राउ गरियो, जसमा एक महिला पनि सामेल छन्। एनसीबीले तीनैलाई आज अदालतमा पेश गर्नेछ।

अधिकारीहरूले बताए, गत तीन वर्षमा मिजोरममा मेथामफेटामाइनको यो दोस्रो सबैभन्दा ठूलो खेप हो, जसले राज्यमा सीमा पारीबाट मादक पदार्थहरूको तस्करीको निरन्तर बढ्दो सम्भावनालाई दर्शाउँछ।

हिन्दुस्थान समाचार / भवानी थामी