नयाँ दिल्ली, 29 अगस्त (हि.स.)। भारत र जापानको साझेदारीलाई नयाँ शिखरमा लैजाने आह्वान गर्दै प्रधानमन्त्रीले दुवै देशको सहयोगले एशियाई शताब्दीलाई आकार दिने बताएका छन्। उनले जापानी कम्पनीहरूसित ‘मेक इन इण्डिया, मेक फर द वर्ल्ड’ अभियानमा सामेल हुने आग्रह गरे औं भने, जापानको तकनीक तथा भारतको प्रतिभाले मिलेर वैश्विक परिवर्तनको नेतृत्व गर्नसक्छ।

प्रधानमन्त्रीले आज टोक्योमा आयोजित ‘इण्डिया-जापान आर्थिक मंच’ लाई सम्बोधित गरे। उनले भने, जापान सदैव भारतको विकास यात्राको महत्वपूर्ण भागीदार रहेको छ। मेट्रो, विनिर्माण, सेमीकन्डक्टर र स्टार्ट-अप जस्ता क्षेत्रहरूमा दुवै देशको साझेदारी आपसी विश्वासको प्रतीक हो। जापानी कम्पनीहरूले भारतमा अहिलेसम्म 40 अरब डलरभन्दा अधिक निवेश गरेका छन्। केवल गत दुई वर्षमै 13 अरब डलरको निजी निवेश भएको छ।

भविष्य़को दिशा बताउँदै प्रधानमन्त्रीले पाँच क्षेत्रहरूमाथि बल दिए- विनिर्माण, प्रौद्योगिकी एवं नवाचार, हरित ऊर्जा परिवर्तन, आगामी पीढ़ीको बुनियादी ढांचा र कौशल विकास। उनले भने, गत 11 वर्षमा भारतले असाधारण परिवर्तन अनुभव गरेको छ। आज भारत राजनीतिक र आर्थिक स्थिरता भएको देश हो, जसको नीतिहरू स्पष्ट छ। भारत विश्वको सबैभन्दा तीव्र गतिमा बढ्दो ठूलो अर्थव्यवस्था हो र छिट्टै नै तेस्रो सबैभन्दा ठूलो अर्थव्यवस्था बन्न गइऱहेको छ। भारतले वैश्विक विकासमा 18 प्रतिशत योगदान गरिरहेको छ र उसको विदेशी मुद्रा भण्डार लगभग 700 अरब डलरसम्म पुगिसकेको छ।

प्रधानमन्त्रीले सुधारहरूको उल्लेख गर्दै भने, ‘रिफर्म, परफर्म र ट्रान्सफर्म’ को नीतिले देशमा ठूलो परिवर्तन आएको छ। ‘वन नेशन-वन ट्याक्स’ व्यवस्था लागू भएपछि अब नयाँ आयकर संहिता पनि संसदबाट पारित भइसकेको छ। व्यवसायहरूका लागि डिजिटल सिंगल विन्डोको सुविधा, 45 हजार अनुपालनहरूलाई युक्तिसंगत र निजी क्षेत्रको निम्ति रक्षा र अन्तरिक्ष जस्ता क्षेत्रहरूलाई खोल्ने पहल गरिएको छ। उनले अब परमाणु ऊर्जा क्षेत्रलाई पनि निजी क्षेत्रको निम्ति खुल्ला गरिने घोषणा गरे।

हिन्दुस्थान समाचार / भवानी थामी