देहरादून, 29 अगस्त (हि.स.)। उत्तराखण्डमा एक पल्ट फेरि वर्षाले आफत मच्चाएको छ। रूद्रप्रयाग र चमोलीमा बादल फाट्दा भारी क्षति पुगेको छ। यस घटनामा धेरै जना फंसे एवं बेपत्ता भएको जानकारी छ। मुख्यमन्त्री पुष्कर सिंह धामीले राहत एवं बचाउ कार्यको प्रभावी संचालनको निम्ति निर्देश दिएका छन्।

उत्तराखण्डमा लगातार मूसलधारे वर्षाले नोकसान बढ्दै गइरहेको छ। बिहिवार बिहानदेखि लगातार वर्षाको कारण अबेर राति चमोली जिल्लाको देवाल तहसीलको गाउँ मोपाटामा घना वर्षापछि बाढ़ी जस्तो स्थिति उत्पन्न भयो। बाढ़ीको साथ आएको ढुंगा-माटोमा मोटापा गाउँका तारा सिंह र उनकी पत्नी बेपत्ता बताइएका छन् जबकि यही गाउँका विक्रम सिंह र उनकी पत्नी घाइते भएका छन्। यिनीहरूको घर र गोठहरूलाई पनि वर्षाले क्षति पुऱ्याएको छ।

माटोमा 15 देखि 20 जनावर दबेको बताइँदैछ। यस बाहेक रूद्रप्रयाग जिल्लाको बसुकेदार उप तहसील र जखोली ब्लकका अलग-अलग क्षेत्रहरूमा घना वर्षाले नोकसान पुऱ्याएको छ। जखोली ब्लाकको छेनागाड़ बजार पूर्ण रूपमा नष्ट भएको छ। यहाँ 18 देखि 20 जना बेपत्ता भएको सूचना छ। साथै जखोली ब्लकको किमाणा-दानकोटमा पनि बादल फाट्दा सम्पत्तिहरूलाई नोकसान भएको छ। खटोली गाउँ र बड़ेथ गाउँमा प्राचीन मन्दिर पनि ध्वस्त भएको छ।

रूद्रप्रयागको जिल्ला आपदा प्रबन्धन अधिकारी नन्दन सिंह रजवारले बताए, घटनाहरूको पूरा जानकारी लिँदैछ। घना वृष्टिले मयाली-गुप्तकाशी मोटर मार्ग पनि धेरै ठाउँ क्षतिग्रस्त भएको छ।

मुख्यमन्त्री पुष्कर सिंह धामीले शुक्रवार सोशल मीडिया एक्समा लेखेका छन्, जिल्ला रूद्रप्रयागको तहसील बसुकेदार क्षेत्र अन्तर्गत बुड़ेथ डंगर तोक र जिल्ला चमोलीको देवाल क्षेत्रमा बादल फाटेको कारण ढुंगा-माटो झरेपछि केही परिवारहरू फंसेको दुःखद समाचार प्राप्त भएको छ। स्थानीय प्रशासनद्वारा राहत एवं बचाउ कार्य युद्धस्तरमा जारी छ। यस सम्बन्धमा निरन्तर अधिकारीहरूको सम्पर्कमा छु। आपदा सचिव र जिल्लाधिकारीहरूसित कुरा गरी बचाउ कार्यहरूको प्रभावी संचालनको आवश्यक निर्देश दिइएको छ। मुख्यमन्त्रीले भने, बाबा केदारसित सबै सकुशल हुने प्रार्थना गर्दछु।

हिन्दुस्थान समाचार / भवानी थामी