नयाँ दिल्ली, 20 सेप्टेम्बर (हि.स.)। दिल्लीका स्कूलहरूलाई लगातार प्राप्त भइरहेको बम धम्कीलाई लिएर आम आदमी पार्टी (आआप)-का राष्ट्रिय संयोजक तथा पूर्व मुख्यमन्त्री अरविन्द केजरीवालले शनिवार सरकारलाई लक्षित गरे। उनले भने, अभिभावक, बाल-बालिका तथा स्कूल प्रशासन भयभित भएका छन्।
अरविन्द केजरीवालले सोशल मीडिया एक्समा लेखेका छन्, “दिल्लीका स्कूलहरूलाई बारम्बार बमले उड़ाउने धम्की दिइरहेको छ। चारैतिर कोकोहोलो मचिन्छ, स्कूलहरूको छुट्टी हु्न्छ, विद्यार्थी नानीहरू र अभिभावकमा सन्त्राष फैलिन्छ, तर विगत एक वर्षदेखिको न कसैलाई पक्राउ गरिएको छ न कुनै कारबाही भएको छ। चार इञ्जिनको सरकारले राजधानीको सुरक्षालाई समेत सम्हाल्न सकिरहेको छैन। माता-पिता दिनहुँ डरमा बाँचिरहेका छन्। आखिर यी सबै कहिल्ये समाप्त हुन्छ?”
केजरीवालले ‘चार इञ्जिन’-को सरकार कानून-व्यवस्थालाई कायम राख्नमा पूर्ण रूपले विफल भएको बताउँदै अघि भने, दिल्लीका जनता र उनीहरूका नानीहरूले असुरक्षित महसूस गरिरहेका छन्।
उल्लेखनीय छ, शनिवार फेरि एकपटक दिल्लीका केही स्कूलहरू जसमा द्वारकाको दिल्ली पब्लिक स्कूल (डीपीएस), कृष्णा मोडल पब्लिक स्कूल औ सर्वोदय विद्यालय सामेल छन्,- लाई बमले उड़ाउने धम्कीपूर्ण फोन कल तथा ई-मेल प्राप्त भयो। यसपूर्व जुलाई र अगस्त महिनामा पनि दिल्लीका स्कूल एवं कलेजहरूलाई यसरी नै धम्की दिइएको थियो।
हिन्दुस्थान समाचार / उष्णता छेत्री शर्मा
