बलौदा बजार, 28 सेप्टेम्बर (हि.स.)। जिल्लाको सुहेलामा दुर्गा पूजाको पण्डाल नजिक आयोजित सांस्कृतिक कार्यक्रममा साथीसित आएको युवकको केही मानिसहरूले चक्कु रोपी हत्या गरिदिए। घटना शनिवार-आइतवारमाझको राती भएको हो। मृतकको पहिचान मुड़ापार निवासी गोपाल साहुलको रूपमा भएको छ। सूचना पाएपछि पुलिसले घटनास्थलमा पुगेर शवलाई कब्जामा लिएको छ।
सुहेला थाना पुलिसबाट प्राप्त जानकारी अनुसार गोपाल साहु आफ्ना साथीहरूसित सुहेलामा आयोजित सांस्कृतिक कार्यक्रम हेर्नको लागि आएको थियो। तर आइतवार बिहान उसको शव भेटिएको छ। पेट, छात्ती र जाँघमा गहिरो चोटको निशान भेटिएको छ। घटनापछि क्षेत्रमा भय व्याप्त भएको छ। घटनास्थलमा पुगेर फोरेन्सिक टीमले पनि प्रमाण एकत्र गरिरहेको छ। शवलाई पोस्टमर्टम गर्नको लागि पठाइदिएको छ। हाल पुलिसले सीसीटीभी फुटेजको जाँच गरिरहेको छ साथै उसका साथीहरूसित पनि जाँचबुझ गरिरहेको छ।
हिन्दुस्थान समाचार / उष्णता छेत्री शर्मा
29 Sep 2025
