तिनसुकिया (असम), 06 सेप्टेम्बर (हि.स.)। मार्घेरिटामा बिजुलीको चपेटमा परी शनिवार एकजना नाबालिकको मृत्यु भयो भने अर्को युवक घाइते भए। स्थानीयहरू अनुसार विद्युत विभागको लापरवाहीको कारणले यो घटना भएको हो।
यस घटनापछि मार्घेरिटामा शोक व्याप्त भएको छ। घटना मार्घेरिटा पुलिस थाना अन्तर्गत तेलखाद बस्ती क्षेत्रमा भएको हो। मृतकको पहिचान जाबिर खान (11)- को रूपमा भएको छ। मृत युवक गए साँझदेखि नै बेपत्ता भएका थिए।
शनिवार मृतकका आफन्तहरूले स्थानीय व्यक्तिको सीसीटीभीको माध्यमबाट जाबिरको मृत शरीरलाई देखे। यस्तो आशंका व्यक्त गरिंँदैछ, 11 केभी विद्युत तारको सम्पर्कमा आएर किशोरको मृत्यु भएको हो।
ज्ञात रहोस्, घटनाको जानकारी लिन आएका सोही परिवारको 15 वर्षीय नाबालिक पनि बिजुलीको सम्पर्कमा आएर गम्भीर रूपमा घाइते भयो। तत्काल उसलाई अस्पतालमा ल्याइयो। घाइते किशोरको नाम पनि जाबिर खानै रहेको बताइएको छ।
हिन्दुस्थान समाचार / उष्णता छेत्री शर्मा
