खरसाङ, 18 जनवरी (हि.स.)। नयाँ कमान एफसी घैयाबारीमा भइरहेको नगद राशि फुटबल टुर्नामेन्टको सेमिफाइनलमा पुगेको छ। घैयाबारी स्पोर्ट्स वेलफेयर एसोसिएसनद्वारा गत 3 जनवरीदेखि घैयाबारीको नेताजी हाई स्कूलको खेल मैदानमा भइरहेको नगद राशि फुटबल टुर्नामेन्टको तेस्रो क्वाटर फाइनल खेल आइतबार नयाँ कमान एफसी र घैयाबारी एफसीमाझ सम्पन्न भयो।

यस खेलको पहिलो हाफमा नयाँ कमान एफसीले 1 गोल गरेको थियो भने पहिलो हाफको खेल 1-0 मा समाप्त भयो। म्याचको दोस्रो हाफमा पनि नयाँ कमान एफसीले थप 2 गोल गर्दै आफ्नो जित सुनिश्चित गर्यो। नयाँ कमान एफसीले 3-0 को अन्तरले खेल जितेर‌ टुर्नामेन्टको सेमिफाइनलमा प्रवेश गरेको छ।

यस खेलमा नयाँ कमान एफसीको जर्सी नम्बर 7 लाई म्यान अफ् द म्याच घोषित गरियो।

हिन्दुस्थान समाचार / हनोक