नाम्ची, 20 जनवरी (हि.स.)। शहरी विकास तथा खाद्य एवं नागरिक आपूर्ति विभागका सल्लाहकार एवं विधायक दिले नामग्याल बर्फुङ्पा, रिन्छेनपोङ निर्वाचन क्षेत्रका विधायक इरुङ तेन्जिङ लेप्चा, अप्पर बर्तुक निर्वाचन क्षेत्रकी विधायक कला राई र सिक्किम अनुसूचित जाति कल्याण बोर्डका अध्यक्ष शेखर सेवाले आज जोरथाङस्थित ग्रीन पार्कमा क्रिएटिभ हब २.० का स्टलहरूको अवलोकन गरे।
भ्रमणका क्रममा विधायकहरूले स्टल सञ्चालक र प्रदर्शकहरूसँग अन्तरक्रिया गर्दै हबमा प्रदर्शित विभिन्न सिर्जनात्मक पहलहरूबारे प्रत्यक्ष जानकारी प्राप्त गरे। उनीहरूले नवप्रवर्तनशील विचारहरू, स्थानीय रूपमा उत्पादन गरिएका सामग्रीहरू तथा कौशल आधारित उद्यमहरूप्रति विशेष रुचि देखाए।
विधायकहरूले स्थानीय उद्यमशीलताको प्रवर्द्धन, नवप्रवर्तनलाई प्रोत्साहन र दिगो जीविकोपार्जनमा सहयोग पुर्याउन क्रिएटिभ हब २.० ले खेलेको महत्वपूर्ण भूमिकाको प्रशंसा गरे। साथै कलाकार, हस्तकला व्यवसायी तथा युवा उद्यमीहरूलाई आफ्नो प्रतिभा र सिर्जनशीलता प्रस्तुत गर्न जीवन्त मञ्च उपलब्ध गराएकोमा पनि हबको सराहना गरे।
---------------
हिन्दुस्थान समाचार / बिशाल
