पटना, 20 जनवरी (हि.स.)। बिहारको जहानाबादकी छोरी जसले पटनामा बसेर नीटको तयारी गरिरहेकी थिई,-को मृत्यु मामिलामा बिहारको राजनीति बाफिएको छ।
बिहारका गृह एवं उपमुख्यमन्त्री सम्राट चौधरीले भनेका छन्, 'सरकार को पक्षबाट पुलिसलाई पूर्ण छुट छ। एसआईटीले आफ्नो काम गरिरहेको छ, दोषी जो नै भए पनि उसलाई समातेर सबै सामु ल्याउनेछ।
यस मामिलामा सीआईडीका एडीजी पारसनाथले बताए, 'फोरेन्सिक टीमले घटनास्थलबाट केही एभिडेन्स कलेक्ट गरेका छन्, जाँच रिपोर्ट आगामी दुई-तीन दिनभित्रमा आउने सम्भावना छ। त्यसपछि नै निष्कर्ष निकालिनेछ।
नीट छात्राको मृत्यु मामिलामा पटनामा कंग्रेसकी महिला कार्यकर्ताहरूले चुरा लगाएर विरोध प्रदर्शन गरे। महिलाहरूले भने, उनीहरू सम्राट चौधरीलाई चुरा लगाउन चाहन्छन्। अर्कोतिर लालू प्रसाद यादवकी छोरी रोहिणी आचार्यले पनि सरकारमाथि प्रहार गरेकी छन्। रोहिणीले भनेकी छन्, मुख्यमन्त्री नीतीश कुमारले आफ्नो समृद्धि यात्रालाई छोड़ेर पटनामा छोरी-चेलीहरूको ज्यान बचाउनुपर्छ।
जहानाबादबाट राजद सांसद सुरेन्द्र यादवले भनेका छन्, आफ्नो क्षेत्रकी छोरीलाई न्याय दिलाउनका लागि हरेक बाटो अप्नाउनेछन्। उनले भने, आफ्नो क्षेत्रकी छोरीलाई न्याय दिलाउनका लागि उनले हरसम्भव प्रयास गर्नेछन्। यदि यस्तो गर्न सकेनन् भने उनले राजनीतिलाई त्यागेर खेती गर्न तयार छन्। सुरेन्द्र यादवले मुख्यमन्त्रीमाथि कटाक्ष गर्दै भने, जंगलराज र साँझ पाँच बजेको कुरा गर्ने नेताहरूले बताउनुपर्छ कि यो ककस्तो सुशासन हो?
दिल्ली एम्सले गर्नेछ पोस्टमर्टम रिपोर्टको जाँच
नीट छात्रा मृत्युकाण्डमा अब पोस्टमर्टम रिपोर्टको जाँच पटना एम्सको सट्टा दिल्ली एम्सले गर्नेछ। नयाँ पोस्टमर्टम रिपोर्टको लागि विसरा, वेजाइनल स्वाब, टीशू, कपड़ा, बडीको भीडियोग्राफी, फोटो, खाने-पिउने, उपचार अवधि डाक्टरहरूको जाँच रिपोर्ट तथा पीएमसीएचद्वारा दिइएको पोस्टमर्टम रिपोर्टलाई दिल्ली एम्समा पठाइएको छ। यसपूर्व गत आइतवार एसआईटीको टीम पहिला सहज सर्जरी नर्सिंग होम, त्यसपछि प्रभात मेमोरियल हस्पिटल र जहानाबाद पुगेको थियो। सबै ठाउँ जाँचबुझ गरिएपछि तीनजना मानिसहरूलाई कस्टडीमा लिइएको छ।
हिन्दुस्थान समाचार / उष्णता छेत्री शर्मा
