अगरतला, ०८ जनवरी (हि.स.)।
नर्थ त्रिपुरा पुलिस र जीएसटी इन्फोर्समेन्ट विङ, नर्थ त्रिपुराको संयुक्त अपरेसनमा बुधबार अबेर साँझ चुराइबाडी सेल्स ट्याक्स गेटबाट कोडिन–आधारित कफ सिरपको ठूलो खेप जफत गरिएको छ।
त्रिपुरा पुलिसले बिहिबार जानकारी दिँदै खुफिया सूचनाको आधारमा ढिलो साँझ एक ट्रक (डब्ल्यु-53एम-8596) लाई अवैध सामान ढुवानीको आशंकामा रोकेको जनाएको छ। ट्रकको तलासी लिँदा कोडिन–आधारित कफ सिरप ‘एस्कफ’ का १२,६०० बोतल बरामद गरियो। जफत गरिएको सामानको कालो बजार मूल्य करिब १.२६ करोड़ रुपियाँ आँकलन गरिएको छ।
यसपछि पश्चिम बंगालको मुर्शिदाबाद निवासी ट्रक चालक पञ्जाब शेख र सहचालक (हेल्पर) बासेद शेखलाई घटनास्थलमै पक्राउ गरिएको पुलिसले जनाएको छ। चालकविरुद्ध कानुनका सम्बन्धित धाराअन्तर्गत एनडीपीएस मुद्दा दर्ता गरिएको छ।
पुलिसका अनुसार, उक्त खेप ओआरएसएलका प्याकेट प्रयोग गरी लुकाइएकाले प्रतिबन्धित पदार्थलाई सीमावर्ती जाँच चौकी पार गराएर तस्करी गर्ने योजनाबद्ध प्रयास भएको स्पष्ट हुन्छ।
आरोपीहरूविरुद्ध नार्कोटिक ड्रग्स एन्ड साइकोट्रोपिक सब्सटेन्सेस (एनडीपीएस) ऐन अन्तर्गत मुद्दा दर्ता गरिएको छ। साथै खेप कसले पठाएको हो र कहाँ पुर्याउन लागिएको थियो भन्ने विषयमा थप अनुसन्धान भइरहेको पुलिसले जनाएको छ।
---------------
हिन्दुस्थान समाचार / भवानी थामी
