काठमाडौं, ०९ जनवरी (हि.स.)। प्रसिद्ध भारतीय अभिनेता संजय दत्त बिहिबार राति विशेष विमानमार्फत नेपालका राजधानी काठमाडौं आइपुगेका छन्। त्रिभुवन अन्तरराष्ट्रिय विमानस्थलमा उनको स्वागतका लागि ठूलो संख्यामा प्रशंसकहरू तथा नेपाली चलचित्र क्षेत्रसँग सम्बन्धित कलाकारहरूको उपस्थिति रहेको थियो।संजय दत्त नेपालमा बहुप्रतीक्षित हिन्दी–नेपाली चलचित्र परियोजनामा सहभागिता जनाउन तथा एक निजी व्यावसायिक कार्यक्रममा सहभागी हुन काठमाडौं आएका हुन्। तय कार्यक्रमअनुसार उनले शुक्रबार दरबारमार्गस्थित पाँचतारे होटल बाराहीमा नवनिर्मित ‘बादशाह क्यासिनो’ को उद्घाटन गर्ने कार्यक्रम रहेको छ। उनको टिमका अनुसार, उनी नेपालमा दुई दिनसम्म बस्नेछन्।विमानस्थलमा सञ्चारकर्मीसँगको संक्षिप्त कुराकानीमा संजय दत्तले नेपाल आउँदा सधैं विशेष खुशी महसुस हुने बताए। उनले नेपाली दर्शकप्रति आभार व्यक्त गर्दै नेपालसँग आफ्नो भावनात्मक सम्बन्ध रहेको र भविष्यमा नेपाली चलचित्र उद्योगसँग पनि काम गर्न चाहेको बताए।चलचित्र क्षेत्रका जानकारहरूका अनुसार, संजय दत्तको यो भ्रमणले नेपाल र भारतको चलचित्र उद्योगबीचको सहकार्यलाई अझ सुदृढ़ बनाउन सहयोग पुग्ने विश्वास गरिएको छ।
हिन्दुस्थान समाचार / भवानी थामी
