गेजिङ, 12 अक्टूबर (हि.स.)। गेजिङ जिल्ला चुनाउ अधिकारी, चुनाउ पञ्जीकरण अधिकारी (ईआरओ) र सहायक चुनाउ पञ्जीकरण अधिकारी (एईआरओ) को निर्देशन तथा सुपरिवेक्षणमा गेजिङ जिल्लाका सबै मतदान केन्द्रमा छुटेका तथा पहिलोपटकका मतदाता/युवा मतदाताहरूका लागि विशेष मतदाता नामावली पञ्जीकरण शिविर सफलतापूर्वक सञ्चालन गरिएको छ।
बुथस्तरीय अधिकारी (बीएलओ) ले बुथस्तरीय एजेन्ट (बीएलए) सँगको समन्वयमा मतदाता नामावलीमा नाम समावेश हुन बाँकी रहेका योग्य नागरिक विशेषगरी 18 वर्ष वा सोभन्दा अधिक उमेर पुगेका र मतदान प्रक्रियामा सहभागी हुन योग्य पहिलोपटकका तथा युवा मतदाताहरूको पहिचान गर्न यो सघन अभियान सञ्चालन गरे।
यस प्रक्रियाका क्रममा बीएलएओहरूले विद्यमान मतदाता नामावलीलाई पूर्व एसआईआर (प्रारम्भिक) मतदाता नामावलीसँग तुलना गरे, नामावलीमा समावेश हुन छुटेका योग्य मतदाताहरूको पहिचान गरे र आवश्यक ठाउँमा मतदाता पञ्जीकरणका लागि फारम 6 भर्न सहजीकरण गरे।
समावेशी मतदाता पञ्जीकरण र लोकतान्त्रिक सहभागितालाई प्रवर्द्धन गर्ने उद्देश्यले सञ्चालित यस अभियानलाई सफल बनाउन योगदान पुर्याउने सम्पूर्ण बीएलओ, बीएलएहरू चुनाउ अधिकारी, राजनीतिक दलका प्रतिनिधि तथा आम नागरिकको सामूहिक प्रयासको जिल्ला निर्वाचन कार्यालय, गेजिङले प्रशंसा गरेको छ।
---------------
हिन्दुस्थान समाचार / बिशाल
