कोलकाता, 13 अक्टोबर (हि.स.)। मुख्य निर्वाचन आयुक्त ज्ञानेश कुमारको राजिनामा माग गर्दै दिल्लीमा विपक्षी दलहरूले गरिरहेको विरोध प्रदर्शनबीच पश्चिम बङ्गालको राजनीति पनि गर्मिएको छ। राजधानी दिल्लीमा आयोजित प्रदर्शनमा सामेल भएपछि ममता ब्यानर्जीको आह्वानमा मङ्गलवार कोलकातामा केन्द्र सरकारको विरोधमा निकालिएको मार्चलाई पुलिसले बीचैमा रोकिदियो। प्रशासनको भनाइ स्पष्ट छ, यस ऱ्यालीको लागि कुनै आधिकारिक अनुमति लिइएको थिएन।

यसअघि गए सोमवार राती मुख्यमन्त्री शुभेन्दु अधिकारीले कडा चेताउनी दिँदै भनेका थिए, दुर्गा पूजाको समयमा कुनै पनि प्रकारको अराजकतालाई अनुमति दिइने छैन। कानुन व्यवस्थालाई कायम राख्नकोलागि आवश्यकता परे केन्द्रिय बलसाई पनि तैनाथ गरिनेछ। कसैलाई पनि अवैध रूपमा एक कदम अगाडि बढ्ने अनुमति दिइने छैन।

कालीघाट तृणमूलको पक्षबाट मङ्गलवार राजाबजारदेखि पार्क सर्कससम्म विरोध मार्चको आह्वान गर्दै प्रचार पत्र जारी गरिएको थियो। पूर्वनिर्धारित कार्यक्रम अन्तर्गत मार्च शुरू भयो, तर पुलिसले यसलाई अनधिकृत घोषणा गऱ्यो। कोलकाताका पुलिस आयुक्त अजय नन्दाले भने, यस किसिमको कुनै पनि मार्चलाई लिएर पुलिससँग कुनै आधिकारिक सूचना वा अनुमति थिएन, त्यसैले कानुन अनुसार उचित कदम चालिनेछ।

ऱ्याली शुरू भएर केही टाड़ा मात्पुर पुगेको थियो, भरी पुलिस बल र सुरक्षाकर्मीहरूले प्रदर्शनकारीहरूलाई रोके। कार्यक्रममा ममता ब्यानर्जी उपस्थित हुने चर्चा भए पनि उनी घटनास्थलमा उपस्थित थिइनन्। पदयात्राको नेतृत्व गरिरहेका विधायक कुणाल घोषले भने, ठूलो सङ्ख्यामा पुलिस र केन्द्रीिय बलको तैनाथीले हाम्रो लोकतान्त्रिक पदयात्रालाई रोक्यो। तथापि हाम्रो आन्दोलन सफल भयो र दिल्ली सरकार हाम्रो विरोधबाट डराएको छ।

उल्लेखनीय छ, विपक्षी दलहरूले मुख्य निर्वाचन आयुक्त ज्ञानेश कुमारमाथि चुनाउमा हेरफेर गरेको आरोप लगाउँदै उनको राजीनामाको माग गरिरहेका छन्। राहुल गान्धीले पनि यस विषयमा सर्वोच्च अदालतमा याचिका दर्ता गरेका छन्। यही पृष्ठभूमिमा कोलकातामा यो विरोध प्रदर्शन आयोजना गरिएको थियो जसमा लोकतन्त्रको दमन तथा दिल्लीमा ममता ब्यानर्जीलाई रोकेकोमा विरोध दर्ता गर्ने प्रयास गरियो। तथापि प्रशासनको कड़ाईले यो पदयात्रा अगाडि बढ्न सकेन।

--------

/ बिशाल