गान्तोक, 19 अक्टोबर (हि.स.)। मुख्यमन्त्री प्रेमसिंह तामाङसँग आज सांसद राजु बिष्टले मुख्यमन्त्रीको सरकारी निवासमा शिष्टाचार भेट गरेका छन्।
मुख्यमन्त्री तामाङले सामाजिक सञ्जालमार्फत जानकारी दिँदै दुर्गा पूजा (बडा दसैं) को पावन अवसरमा सांसद बिष्टलाई हार्दिक शुभकामना व्यक्त गरेको बताएका छन्। साथै, उनलाई सिक्किमका लागि भारतीय जनता पार्टी (भाजपा) को राज्य प्रभारी नियुक्त गरिएकोमा बधाई दिएका छन्।
मुख्यमन्त्रीले बिष्टको सफल कार्यकालको कामना गर्दै उनको प्रयासले आपसी सहकार्यको भावनालाई अझ सुदृढ बनाउनुका साथै सिक्किमको प्रगति र समृद्धिमा योगदान पुर्याउने आशा व्यक्त गरेका छन्।
उल्लेखनीय छ, दार्जिलिङका सांसद तथा सिक्किम प्रदेश भाजपा प्रभारी राजु बिष्ट आज प्रस्तावित सिक्किमको नवनियुक्त राज्यपाल दुष्यन्त कुमार गौतमको शपथ ग्रहण समारोहमा सहभागी बन्न गान्तोक आएका हुन्।
---------------
हिन्दुस्थान समाचार / बिशाल
19 Oct 2026
