भोपाल, २३ अक्टोबर (हि.स.)। मध्य प्रदेशका मुख्यमन्त्री डा. मोहन यादवले शनिवार, २४ अक्टोबरमा भोपाल स्थित कुशाभाऊ ठाकरे अन्तरराष्ट्रिय सम्मेलन केन्द्रमा चौथो राष्ट्रिय एचआर-सीएसआर सम्मेलन ‘अभ्युदय २०२६’ को उद्घाटन गर्नेछन्।
सम्मेलनमा पर्यावरण, सामाजिक उत्तरदायित्व, सुशासन र सभ्यतागत ज्ञानको समन्वयबारे छलफल हुनेछ। यसमा देशभरिका कर्पोरेट प्रतिनिधि, शिक्षाविद्, प्रशासनिक अधिकारी तथा सामाजिक क्षेत्रका विशेषज्ञहरू सहभागी हुनेछन्। जनसम्पर्क अधिकारी अनुराग उइकेले शुक्रवार जानकारी दिँदै सम्मेलनको उद्घाटन बिहान १० बजी हुने बताए।
सम्मेलनको विषयवस्तु ‘अभ्युदय : समग्र कल्याणका लागि पर्यावरण, सामाजिक उत्तरदायित्व, सुशासन र सभ्यतागत ज्ञानको समन्वय’ रहेको छ। उद्घाटन सत्रमा मुख्यमन्त्री डा. यादवले सम्मेलनलाई सम्बोधन गर्नुका साथै सहभागीहरूसँग संवाद पनि गर्नेछन्।
कार्यक्रममा विशिष्ट अतिथिका रूपमा इन्डोनेसियाका पद्मश्री डा. अगुस इन्द्र उदयाना, एस-व्यासाका कुलाधिपति पद्मश्री डा. एचआर नागेन्द्र, श्रीकृष्ण पाथेय न्यासका प्रतिनिधि श्रीराम तिवारी तथा सम्मेलनका संयोजक डा. विक्रान्त सिंह तोमर उपस्थित रहनेछन्।
उनले संस्कृति विभाग अन्तर्गतको श्रीकृष्ण पाथेय न्यास र युनाइटेड ग्लोबल पिस फाउन्डेसनद्वारा डा. विक्रान्त सिंह तोमर (युनाइटेड काउन्सिल फर एन्सियन्ट विजडम-युनाइटेड कन्ससनेस) को सहयोगमा सम्मेलन आयोजना गर्न लागिएको बताए।
यस आयोजनाले मध्य प्रदेशका लागि उपयोगी साझेदारीका नयाँ अवसर सिर्जना गर्नेछ। यसबाट उद्योग, सरकार, विश्वविद्यालय र सामाजिक संस्थाहरूले संयुक्त रूपमा सीप, रोजगारी, शिक्षा, स्वास्थ्य तथा वातावरण संरक्षणका क्षेत्रमा व्यावहारिक नमुना विकास गर्न सक्नेछन्।
सम्मेलनमा देशभरिका प्रमुख कर्पोरेट प्रतिनिधि, प्रतिष्ठित शिक्षाविद्, वरिष्ठ प्रशासनिक अधिकारी तथा सामाजिक क्षेत्रका विशेषज्ञहरूले सहभागिता जनाउनेछन्।
हिन्दुस्थान समाचार / भवानी थामी
