काठमाडौँ, २४ अक्टोबर (हि.स.)। भारतमा आगामी हप्ता शक्तिशाली आँधी आउने सम्भावनालाई ध्यानमा राख्दै नेपालमा पनि मौसमसम्बन्धी उच्च सतर्कता जारी गरिएको छ।
नेपालको मौसम विज्ञान विभागका अनुसार, बंगालको खाडीको पूर्वमध्य भाग तथा त्यससँग जोडिएको दक्षिणपूर्वी क्षेत्रमा न्यून चापीय क्षेत्र विकसित भएको छ। यसको प्रभावले आगामी नोभेम्बर ११ देखि १५ सम्म नेपालको मौसम प्रभावित हुन सक्ने सम्भावना छ। यस अवधिमा नेपालका अधिकांश क्षेत्रमा भारी वर्षा हुन सक्ने विभागले जनाएको छ।
मौसम महाशाखाले उक्त मौसमी प्रणालीका कारण नेपालमा हुन सक्ने वर्षाको मात्रा, जोखिमको स्तर र सम्भावित प्रभावलाई ध्यानमा राख्दै उच्च सतर्कता अपनाउन आग्रह गरेको छ।
आज बिहान जारी गरिएको सूचनामा सम्भावित प्रतिकूल मौसमका कारण यातायात, कृषि तथा पर्यटन क्षेत्रमा असर पर्न सक्ने उल्लेख गरिएको छ। यसलाई ध्यानमा राख्दै सम्बन्धित सबै व्यक्ति तथा निकायलाई सतर्क रहन विभागले अपील गरेको छ।
हिन्दुस्थान समाचार / बिशाल
