गुवाहाटी, 28 अक्टोबर (हि.स.)। असमको सुगन्धित सम्पदालाई विश्व बजारमा ल्याउने दिशामा एउटा महत्त्वपूर्ण कदम चाल्दै 123 किलोग्राम आगरवुड चिप्स राज्यबाट दुबईमा निर्यात गरिएको छ। यसले अन्तर्राष्ट्रिय व्यापारमा असमको सहभागिता बढाउनको साथै यस क्षेत्रसँग सम्बन्धित किसान एवं मजदुरहरूलाई लाभ पुग्ने अपेक्षा गरिएको छ।
सो जानकारी असमका मुख्यमन्त्री डा. हिमन्त विश्व सरमाले बुधबार सामाजिक सञ्जालमा साझा गरेका हुन्। आगरवुड चिप्सको दुबई निर्यात विश्वव्यापी व्यापारमा असमको उपस्थिति बलियो बनाउने दिशामा महत्वपूर्ण उपलब्धि भएको उनले बताए।
मुख्यमन्त्रीका राज्यमा 50,000 भन्दा बढी किसान एवं मजदुरहरू आगरवुड उद्योगसँग जोडिएका छन्। यो निर्यातले उनीहरूका लागि नयाँ अवसरहरू खोल्ने सम्भावना छ।
आगरवुड यसको विशिष्ट सुगन्धका लागि प्रसिद्ध छ। यो अत्तर, धूप, र विभिन्न परम्परागत उत्पादनहरूको निर्माणमा प्रयोग गरिन्छ। अन्तर्राष्ट्रिय बजारमा यसको मागलाई ध्यानमा राख्दै, असमको आगरवुड क्षेत्रमा विशाल व्यापार तथा रोजगारको सम्भावना छ।
यस निर्यातले राज्यको परम्परागत उत्पादनहरूलाई विश्व बजारमा मान्यता प्राप्त गर्न अनि स्थानीय उत्पादकहरूलाई अन्तर्राष्ट्रिय क्रेताहरूसँग जोड्न मद्दत गर्ने अपेक्षा गरिएको छ।
--------
हिन्दुस्थान समाचार / उष्णता छेत्री शर्मा
