तमुलपुर (असम), 28 अक्टोबर (हि.स.)। तमुलपुर जिल्लाको भारत-भुटान सीमा क्षेत्रमा जङ्गली हात्ती-मानव द्वन्द्वले भयानक मोड़ लिएको छ। सम्बन्धित घटनाक्रममा आज भारत-भुटान सीमामा हाथीडुबा र एनसी आङ्गारकटामा जङ्गली हात्तीको आक्रमणमा परी दुई जना मानिसहरूको मृत्यु भयो। मृतकको पहिचान बौवा लोहार (55) र बुधुवा पाइक (50)- को रूपमा भएको छ।
रिपोर्ट अनुसार बुधवार बिहान खेतमा जाँदै गर्दा जङ्गली हात्तीले आक्रमण गरेपछि दुई जना मानिसहरूको घटनास्थलमै मृत्यु भयो। सूचना पाएपछि पुलिस र वन विभागका अधिकारीहरू घटनास्थलमा पुगे अनि दुवै शवलाई पोस्टमर्टम गर्नको लागि पठाइदिए।
गत अक्टोबर 27- मा पनि भारत-भुटान सीमाको पहाड़पुरमा जङ्गली हात्तीको आक्रमणमा एकजनाको मृत्यु भएको थियो। जङ्गली हात्तीको ठूलो झुण्ड विगत केही दिनदेखि तामुलपुर जिल्लाको भारत-भुटान सीमामा आतङ्क फैलाउँदै खानाको खोजीमा भुटानको पहाडबाट तल झरेको छ। हात्तीको झुण्ड मानिसहरूको घरमा प्रवेश गरेर गुवाको बगैचालाई नष्ट पारिरहेको छ भने खेतमा पाकेको धानको बालीलाई ठूलो क्षति पुऱ्याइरहेको छ।
किसानहरू जङ्गली हात्तीहरूको उत्पातबाट डराएका छन् भने बाली नष्ट भएको देखेर अत्यन्त निराश भएका छन्। गाउँलेहरूले जङ्गली हात्तीको समस्या समाधान गर्न ठोस एवं प्रभावकारी कदम चाल्ने वन विभागलाई अपील गरिरहेका छन्।
--------
/ बिशाल
