राजनन्दगाउँ, ०३ अक्टोबर (हि.स.)। राजनन्दगाउँ जिल्लाको डोंगरगढमा आबकारी विभागले बिहिवार राति मध्य प्रदेशमा निर्मित अंग्रेजी रक्सीका ४५ पेटी जफत गरेको छ। रक्सी ओसार पसारमा प्रयोग गरिएको रायपुर नम्बर प्लेटको स्कोर्पियो गाड़ी पनि नियन्त्रणमा लिइएको छ।
प्राप्त जानकारी अनुसार, आबकारी विभागलाई मध्य प्रदेशमा निर्मित रक्सी गाड़ी मार्फत क्षेत्रबाहिर लैजाँदै गरिएको सूचना प्राप्त भएको थियो। सूचनालाई गम्भीरतापूर्वक लिँदै आबकारी टोलीले प्रभारी अनिल सिंहको नेतृत्वमा झिझारी र मडियान सड़कबीच घेराबन्दी गरेको थियो। यसै क्रममा शङ्कास्पद स्कोर्पियो गाड़ीको तलासी लिँदा त्यसमा मध्य प्रदेशमा निर्मित अंग्रेजी रक्सीका लगभग ४५ पेटी फेला परेका थिए। विभागले रक्सी जफत गर्नुका साथै ओसार पसारमा प्रयोग गरिएको स्कोर्पियो गाड़ीलाई पनि नियन्त्रणमा लिएको छ।
आबकारी विभाग अनुसार, टोलीलाई देखेपछि गाड़ीमा सवार व्यक्तिहरू स्कोर्पियो छाड़ेर घटनास्थलबाट फरार भए। टोलीले उनीहरूलाई पक्राउ गर्ने प्रयास गरे पनि उनीहरू फेला परेनन्। अहिले उनीहरूको पहिचान तथा खोजी भइरहेको छ।
/ बिशाल
