नयाँ दिल्ली, 0६ अक्टोबर (हि.स.)। प्रधानमन्त्री नरेन्द्र मोदी, लोकसभा अध्यक्ष ओम बिरला, गृहमन्त्री अमित शाह लगायत धेरै नेताले केन्द्रिय सूक्ष्म, लघु तथा मध्यम उद्यम (एमएसएमई) मन्त्री जीतनराम मांझीलाई जन्मदिनको शुभकामना दिँदै उनको उत्तम स्वास्थ्य, दीर्घायु तथा निरन्तर जनसेवाको कामना गरेका छन्।
प्रधानमन्त्री मोदीले सामाजिक सञ्जाल ‘एक्स’ मा जीतनराम मांझीलाई जन्मदिनको शुभकामना दिँदै सार्वजनिक जीवनको लामो यात्रामा उनले सधैँ गरीब तथा वञ्चित वर्गको सशक्तीकरणका लागि काम गरेको बताएका छन्। मांझीले एमएसएमई क्षेत्रलाई गति दिन अग्रणी भूमिका निर्वाह गरिरहेको र यस क्षेत्रले भारतलाई समृद्ध तथा आत्मनिर्भर बनाउन महत्वपूर्ण योगदान पुर्याउने प्रधानमन्त्रीले उल्लेख गरेका छन्। उनले मांझीको दीर्घ तथा स्वस्थ जीवनको कामना गरेका छन्।
लोकसभा अध्यक्ष ओम बिरलाले पनि जीतनराम मांझीलाई जन्मदिनको शुभकामना दिँदै ईश्वरसँग उनको उत्तम स्वास्थ्य तथा दीर्घायु जीवनको कामना गरेका छन्।
केन्द्रिय गृहमन्त्री अमित शाहले जीतनराम मांझीले देशका सूक्ष्म, लघु तथा मध्यम उद्योगलाई गति दिन र यससँग सम्बन्धित उद्यमीहरूलाई सशक्त बनाउन निरन्तर महत्वपूर्ण भूमिका निर्वाह गरिरहेको बताएका छन्। उनले मांझीको उत्तम स्वास्थ्य तथा दीर्घायुको कामना गरेका छन्।
भारतीय जनता पार्टी (भाजपा) का राष्ट्रिय अध्यक्ष नितिन नवीनले मोदी सरकारको एमएसएमई क्षेत्रलाई सशक्त बनाउने तथा आत्मनिर्भर भारतको संकल्पलाई गति दिने दिशामा मांझीका प्रयास प्रशंसनीय रहेको बताएका छन्।
दिल्लीकी मुख्यमन्त्री रेखा गुप्ताले वञ्चित तथा श्रमिक वर्गको कल्याणका लागि मांझीको लामो सार्वजनिक जीवन समर्पित रहेको बताउँदै उनको उत्तम स्वास्थ्य, दीर्घायु तथा निरन्तर जनसेवाको कामना गरेकी छन्।
हिन्दुस्थान समाचार / भवानी थामी
