कोलकाता, ०9 अक्टोबर (हि.स.)। चाडपर्वको समयमा रेल यात्रुहरूको अतिरिक्त भीड़लाई ध्यानमा राख्दै रेलवेले दुई वटा मार्गहरूमा पूजा विशेष रेलहरू सञ्चालन गर्ने निर्णय गरेको छ। यसमा एनएससीबी इतवारी-शालिमार-एनएससीबी इतवारी अनि सम्बलपुर-सतरागाछी -सम्बलपुर विशेष रेलहरू समावेश छन्। यी रेलहरूको सञ्चालनद्वारा यात्रुहरूलाई आवागमन गर्नमा सहज हुनेछ।

शुक्रवार दिउँसो रेलवेद्वारा जारी गरेको प्रेस विज्ञप्ति अनुसार 08861 एनएससीबी इतवारी-शालिमार विशेष रेल अक्टोबर 15 देखि 29 सम्म प्रत्येक बिहीबार 17.10 बजे इतवारीबाट प्रस्थान गर्नेछ र भोलिपल्ट 14 बजे शालिमार पुग्नेछ। फर्कने दिशामा 08862 शालिमार-एनएससीबी इटवारी विशेष रेल 16 अक्टोबरदेखि 30 अक्टोबरसम्म प्रत्येक शुक्रवार 18 बजे शालिमारबाट प्रस्थान गर्नेछ र भोलिपल्ट 15ः35 बजे एनएससीबी इतवारीमा आइपुग्नेछ। दक्षिण पूर्वी रेलवे क्षेत्रमा यो रेल झारसुगुडा, राउरकेला, चक्रधरपुर, टाटानगर, खड़गपुर र सन्तरागाछी स्टेशनमा रोकिनेछ।

त्यसैगरी, 08303 सम्बलपुर-सान्तरागाछी विशेष रेल 14 र 21 अक्टोबरमा 16ः15 बजे सम्बलपुरबाट प्रस्थान गर्नेछ र भोलिपल्ट 2ः00 बजे सन्तरागाछीमा आइपुग्नेछ। फर्कने दिशामा, 08304 सन्तरागाछी-सम्बलपुर विशेष रेल 15 र 22 अक्टोबरमा 19ः05 बजे सन्तरागाछीबाट प्रस्थान गर्नेछ र भोलिपल्ट बिहान 7ः45 बजे सम्बलपुर आइपुग्नेछ।

यो रेल दक्षिण पूर्वी रेलवे क्षेत्रका झारसुगुडा, बागडीही, बामरा, गरपोस, राजगञ्जपुर, राउरकेला, बिसरा, मनोहरपुर, चक्रधरपुर, राजखरसवाँ, टाटानगर, झारग्राम, खड़गपुर, पाँसकुड़ा, बागनान र उलुबेरिया स्टेशनमा रोकिनेछ।

--------

हिन्दुस्थान समाचार / उष्णता छेत्री शर्मा