
नयाँ दिल्ली, १९ नोभेम्बर (हि.स.)। केन्द्रिय संसदीय कार्यमन्त्री किरेन रिजिजूले अमेरिकामा दिएको राहुल गान्धीको बयानलाई लिएर उनीमाथि कड़ा प्रहार गरेका छन्। उनले सामान्यतया राहुल गान्धीका बयानहरूलाई धेरै ध्यान दिन आवश्यक नहुने भए पनि देशको विपक्षी दलका नेताले विदेश गएर भारतका बारेमा तथ्यहीन र गलत कुरा गर्दा त्यसप्रति आपत्ति जनाउनु आवश्यक हुने बताए। राहुल गान्धी अमेरिका र अन्य देशहरूमा गएर भारतीय अर्थव्यवस्था ध्वस्त भएको कुरा गर्छन्, जबकि सम्पूर्ण विश्वले भारतलाई सबैभन्दा तीव्र गतिले विकास भइरहेको प्रमुख अर्थव्यवस्थाका रूपमा स्वीकार गरिरहेको छ।
रिजिजूले बिहिवार सञ्चारमाध्यमसँग कुराकानी गर्दै अन्तरराष्ट्रिय मुद्रा कोष (आईएमएफ) र विश्व ब्याङ्क जस्ता अन्तरराष्ट्रिय वित्तीय संस्थाहरूले पनि भारतको आर्थिक प्रगतिलाई स्वीकार गरिरहेको बताए। यी संस्थाहरू अनुसार, भारत अहिले विश्वकै सबैभन्दा तीव्र गतिले विकास भइरहेको प्रमुख अर्थव्यवस्था हो। यस्तो अवस्थामा राहुल गान्धीले भारतीय अर्थव्यवस्थालाई मृत अर्थव्यवस्था भन्नु बुझ्न नसकिने कुरा भएको उनले बताए। राहुल गान्धीले आफ्नो कार्यशैलीमा सुधार गर्नुपर्ने र देशका उपलब्धिहरूलाई कम आँक्नबाट जोगिनुपर्ने उनले बताए।
भारतमा लोकतन्त्र र मत चोरी भएको राहुल गान्धीको आरोपको जवाफ दिँदै रिजिजूले यदि देशमा लोकतन्त्र नभएको भए राहुल गान्धीले दिनभरि विरोध प्रदर्शन कसरी गर्न सक्थे र प्रधानमन्त्री नरेन्द्र मोदी, भाजपा तथा सरकार विरुद्ध लगातार बयान कसरी दिन सक्थे भन्ने प्रश्न गरे। उनले भारतमा लोकतन्त्र र अभिव्यक्ति स्वतन्त्रता नभएको भए राहुल गान्धीले बिहानदेखि रातिसम्म आफ्ना कुरा राख्ने स्वतन्त्रता कहाँबाट पाउँथे भन्ने बताए।
केन्द्रिय मन्त्रीले भारत लोकतान्त्रिक देश भएको र यहाँ आम नागरिकदेखि राजनीतिक नेताहरूसम्म सबैलाई आफ्ना कुरा राख्ने पूर्ण स्वतन्त्रता रहेको बताए। यसका बाबजुद राहुल गान्धी विदेश गएर भारतमा लोकतन्त्र र अभिव्यक्ति स्वतन्त्रता नभएको आरोप लगाउने गरेको उनले बताए। यस्ता बयानहरू मार्फत राहुल गान्धी आखिर के प्रमाणित गर्न चाहन्छन् भन्ने प्रश्न पनि उनले गरे।
रिजिजूले गरीबीको मुद्दालाई लिएर पनि राहुल गान्धी र कांग्रेसमाथि निशाना साधे। अन्तरराष्ट्रिय मुद्रा कोष (आईएमएफ) को तथ्याङ्क उद्धृत गर्दै उनले साल २०११ देखि २०२३ बीच भारतमा ५० करोड़भन्दा बढ़ी मानिस गरीबीको रेखाभन्दा माथि उठेको र चरम गरीबीबाट बाहिर आएको बताए।उनी अनुसार, गरिबी न्यूनीकरणको मामिलामा भारतले विश्वमै सबैभन्दा तीव्र प्रगतिको कीर्तिमान कायम गरेको छ।
कांग्रेसमाथि निशाना साध्दै उनले पार्टीले पटक-पटक ‘गरीबी हटाओ’ को नारा दिएर चुनाउ लड़ेको र सत्ता हासिल गरेको भए पनि कांग्रेसको शासनकालमा वास्तवमै गरीबी हटाउन के काम गरियो भन्ने प्रश्न गरे। आज प्रधानमन्त्री नरेन्द्र मोदीको नेतृत्वमा भारत गरीबी लगभग समाप्त हुने दिशामा अघि बढ़िरहेको र देश विकसित भारतको लक्ष्यतर्फ अगाड़ी बढ़िरहेको रिजिजूले बताए।
रिजिजूले राहुल गान्धीलाई सुझाव दिँदै पहिलो कुरा, उनले देशमा लोकतन्त्र र अभिव्यक्ति स्वतन्त्रता नभएको कुरा गर्नु नहुने बताए। राहुल गान्धी देशभित्र आफ्नो इच्छा अनुसार घुम्ने, विदेश भ्रमण गर्ने र प्रधानमन्त्री मोदीमाथि लगातार आक्रमण गर्ने गरेको उल्लेख गर्दै उनले यस्तो अवस्थामा भारतमा लोकतन्त्र वा स्वतन्त्रता छैन भन्नु उचित नहुने बताए। उनले राहुल गान्धीलाई आफू र अरूसँग झूट नबोल्न आग्रह गरे।
दोस्रो सुझाव दिँदै रिजिजूले भारतको अर्थव्यवस्था अहिले बलियो र उज्ज्वल अर्थव्यवस्थाका रूपमा स्थापित भएको तथा यो विश्वव्यापी आर्थिक विकासको इन्जिन बनिरहेको बताए। यस्तो अर्थव्यवस्थालाई ‘मृत अर्थव्यवस्था’ भन्नु गलत भएको उनले बताए। देशको प्रगतिलाई कम आँकेर र भारतलाई बदनाम गरेर राहुल गान्धी आखिर के हासिल गर्न चाहन्छन् भन्ने प्रश्न पनि उनले गरे।
रिजिजूले राहुल गान्धीका बयान पछाड़ी उनको आफ्नै सोचका साथै विदेशी भारतविरोधी शक्तिहरूको भूमिका रहेको हुनसक्ने आशङ्का पनि व्यक्त गरे। सम्भवतः राहुल गान्धी आफैँ भारत विरुद्ध बोल्न र देशलाई बदनाम गर्न चाहन्छन् वा विश्वभरि सक्रिय भारतविरोधी शक्तिहरूले उनलाई त्यसो गर्न उक्साइरहेका छन्। दुवै सम्भावना रहेको उनले बताए।
उनले राहुल गान्धीको सोच भारतविरोधी हुँदै गएको र उनको ध्यान भारत, यसको सभ्यता तथा उपलब्धिहरूलाई कमजोर देखाउनमा केन्द्रित रहेको आरोप लगाए। राहुल गान्धीले भारतीय परम्परा, मौलिक मान्यता, लोकतन्त्र र संविधान विरुद्ध लगातार प्रहार गरिरहेको रिजिजूले बताए। देशको विपक्षी दलका नेताले दिनरात भारत विरुद्ध अभिव्यक्ति कसरी दिन सक्छन् भन्ने प्रश्न पनि उनले उठाए।
/ बिशाल