नयाँ दिल्ली, 24 फरवरी (हि.स.)। दिल्ली पुलिसले भारतीय युवा कांग्रेसका राष्ट्रिय अध्यक्ष उदय भानु चिबलाई पक्राउ गरेको छ। यो कारबाही केही दिनअघि भारत मण्डपममा आयोजित 'इन्डिया एआई इम्प्याक्ट समिट २०२६' मा युवा कांग्रेस कार्यकर्ताहरूको 'शर्टलेस प्रोटेस्ट' (शर्ट बिनाको विरोध प्रदर्शन) को मामलामा गरिएको हो। यस मामलामा यसभन्दा अघि सात अन्य व्यक्तिहरू गिरफ्तार भइसकेका छन्।
दिल्ली पुलिसका अनुसार, उदय भानु चिबलाई एक दिनअघि सोधपुछका लागि तिलक मार्ग थानामा बोलाइएको थियो। सोधपुछका क्रममा खुलेका तथ्यहरू र उपलब्ध प्रमाणका आधारमा उनको भूमिका शंकास्पद पाइएपछि पक्राउ गरिएको हो। यस कारबाहीपछि अहिलेसम्म यस प्रकरणमा जम्मा आठ जनालाई पक्राउ गरिएको छ। यसअघि पुलिसिईले ग्वालियरबाट जितेन्द्र यादवलाई समातेको थियो। जाँच एजेन्सीहरूले अब पूरा घटनाक्रममा षडयन्त्रको कोणबाट पनि जांच गरिरहेका छन्। अधिकारीहरूको भनाइ छ, विरोध प्रदर्शनको पूर्व योजना, यसमा संलग्न व्यक्तिहरूको भूमिका र संगठनात्मक स्तरमा गरिएको तयारीको गहन जांच भइरहेको छ। पुलिसको दाबी छ, उपलब्ध तथ्य, सीसीटीभी फुटेज र अन्य इलेक्ट्रोनिक प्रमाणका आधारमा कारबाही अगाडि बढाइएको छ।
यसैबीच दिल्लीको पटियाला हाउस कोर्टले यस पूरा मामलाको जाँचको जिम्मा दिल्ली पुलिसको क्राइम ब्रान्चको 'इन्टर स्टेट सेल' लाई सुम्पेको छ। दिल्ली पुलिसको भनाई छ, यस मामलामा देशका विभिन्न स्थानका मानिसहरू संलग्न छन्।
---------------
हिन्दुस्थान समाचार / भवानी थामी
