नयाँ दिल्ली, 24 फरवरी (हि.स.)। भारतीय जनता पार्टी (भाजपा) का राष्ट्रिय प्रवक्ता गौरव भाटियाले मंगलवार लोकसभामा विपक्षी दलका नेता राहुल गान्धीले एआई शिखर सम्मेलनको क्रममा भारतलाई लज्जित पार्ने षड्यन्त्र गरेको आरोप लगाए, जुन षड्यन्त्रको अब तह-तह खुलासा भइरहेको छ।

भाजपा मुख्यालयमा आयोजित पत्रकार सम्मेलनमा भाटियाले भने, भारतीय युवा कांग्रेसका अध्यक्ष उदय भानु चिबलाई एआई शिखर सम्मेलनको क्रममा भारत मण्डपममा भएको विरोध प्रदर्शनको सम्बन्धमा पक्राउ गरिएको छ। उनले आरोप लगाए कि एआई शिखर सम्मेलनको क्रममा जब सम्पूर्ण विश्वको ध्यान भारतमा थियो, त्यस समय युवा कांग्रेसका सदस्यहरूले आफ्नो टी-शर्ट फुकालेर विरोध गरे। भाटियाले भने, राहुल गान्धीले भारतलाई लज्जित पार्ने र बदनाम गर्ने षड्यन्त्र रचे। आज परिस्थिति यस्तो बनेको छ कि उनी आफै राजनीतिक रूपमा पर्दाफास भएका छन्।

भाजपा प्रवक्ताले भने, राहुल गान्धीले संविधानको प्रतिलिपि देखाउँछन् तर उनले कहिल्यै पढ़ेका छैनन्। संविधानको अनुच्छेद 19(2) को उल्लेख गर्दै उनले भने कि सार्वजनिक व्यवस्था, शालीनता र नैतिकताको हितमा अभिव्यक्तिको स्वतन्त्रतामा उचित प्रतिबन्ध लगाउन सकिन्छ। यो दुर्भाग्यपूर्ण हो कि विपक्षी नेतालाई अभिव्यक्ति स्वतन्त्रताको वास्तविक अर्थको बुझाइको कमी छ। उनले आरोप लगाए कि राहुल गान्धीको समर्थन बिना यस प्रकारको विरोध सम्भव थिएन। यदि राहुल गान्धीलाई भारतका नागरिकहरू र संविधानमा विश्वास छैन भने यसले डेमोक्रेटिक पोलिटिक्सप्रति उनको प्रतिबद्धतामाथि गम्भीर चिन्ता खड़ा गर्दछ। नेतृत्वको निम्ति जिम्मेवारी र संवैधानिक मूल्यहरूको सम्मान जरूरी छ।

कांग्रेस नेता मार्गरेट अल्वाको एक कथनलाई उल्लेख गर्दै उनले भने, कांग्रेस पार्टी भित्रबाट पार्टीको वर्तमान कार्यप्रणालीमाथि प्रश्न उठिरहेको छ। एआई शिखर सम्मेलन भारतको विश्वव्यापी नेतृत्व र दृष्टिकोणको प्रतीक हो। 2023 मा आयोजित जी-20 शिखर सम्मेलनपछि विश्व समुदायले भारतको भूमिकाको प्रशंसा गर्योो तर कांग्रेसले देशको उपलब्धीहरूलाई स्वीकार गर्दैन।

हिन्दुस्थान समाचार / भवानी थामी