अररिया, 26 फरवरी (हि.स.)। केन्द्रिय गृहमन्त्री अमित शाह सीमाञ्चल क्षेत्रको तीन दिने भ्रमणमा छन्। किशनगंज भ्रमणपछि आफ्नो भ्रमणको दोस्रो दिन गृहमन्त्रीले अररियाको सिकटी ब्लकको लेटी स्थित सशस्त्र सीमा बल (एसएसबी) 52औं बटालियनको सीमा चौकीको भ्रमण गरे। उनले करोड़ौं रुपियाँको लागतमा निर्माण गरिएको भवनको उद्घाटन गरे।
यस अवसरमा गृहमन्त्रीले भारत-नेपाल सीमाको दश किलोमिटर दायराभित्र रहेका अवैध अतिक्रमण र घुसपैठीहरूलाई लक्षित गरे। उनले सीमाको दश किलोमिटरभित्र रहेका अवैध अतिक्रमणहरू हटाइने र घुसपैठीहरूलाई देशबाट निष्कासन गरिने घोषणा गरे। उनले सीमा क्षेत्रका जनतालाई आश्वासन दिए कि उनी प्रत्येक घुसपैठीलाई निष्कासन गर्न दृढ़ छन्। उनीहरूलाई निष्कासन गरेपछि मात्र उनी भोट माग्नेछन्।
उनले भने, घुसपैठीहरूलाई देशबाट निष्कासन गर्नु एक प्रमुख चुनौती हो। केन्द्र र राज्य सरकारहरूका साथै सुरक्षा एजेन्सीहरूसँग समन्वय गरेर हामी कार्य योजना तयार गर्नेछौं र यसलाई कार्यान्वयन गर्नेछौं। उनले सीमा सुरक्षा प्रबन्धन अन्तर्गत सीमाको दश किलोमिटरभित्र अवैध अतिक्रमण हटाउने कुरालाई सर्वोच्च प्राथमिकता ठहर गरे। उनले घुसपैठीहरूले गर्दा हुने जनसांख्यिकीय परिवर्तनलाई देशको संस्कृति र जनसांख्यिकीको लागि चिन्ताको विषय बताए।
अमित शाहले भने कि सम्पूर्ण देशको मात्र नभई सीमा क्षेत्रहरूको समीक्षा गर्न जनसांख्यिकीय परिवर्तन सम्बन्धी उच्चस्तरीय समिति गठन गरिनेछ। उनले स्वीकार गरे कि सबैभन्दा ठूलो जनसांख्यिकीय परिवर्तन पश्चिम बंगाल, बिहार र झारखण्डमा भएको छ। उनले यसलाई रोक्नको लागि सीमा सुरक्षा अन्तर्गत अन्तरराष्ट्रिय सीमामा काँड़ेतार र बार लगाइने बताए। उनले भने, सीमाञ्चलबाट घुसपैठीलाई निष्कासन गर्ने बिहार विधानसभा चुनाउको समयमा गरिएको वाचा कुनै पनि हालतमा पूरा गरिनेछ।
गृहमन्त्रीको कार्यक्रमको लागि भारत-नेपाल सीमादेखि लिएर हेलिप्याड, लेटी बीओपी क्याम्पमा मजिस्ट्रेटहरू सहित ठूलो संख्यामा बिहार पुलिसका जवान, एसएसबी र सीआरपीएफ अधिकारी र सैनिकहरू तैनाथ गरिएको थियो। यसअघि लेटी आइपुगेपछि गृहमन्त्रीलाई डीएम विनोद दुहान, एसपी जितेन्द्र कुमार, भाजपा जिल्ला अध्यक्ष आदित्य नारायण झा, सांसद प्रदीप कुमार सिंह, विधायक विजय कुमार मण्डल लगायत एसएसबी र केन्द्रिय पुलिस बलका अधिकारीहरूले पुष्पगुच्छ र शाल प्रदान गरेर स्वागत जनाए।
हिन्दुस्थान समाचार / भवानी थामी
