कोलकाता, 27 फरवरी (हि.स.)। दिल्लीको एक अदालतले आम आदमी पार्टीको कथित आबकारी नीतिसँग सम्बन्धित मुद्दामा पूर्व मुख्यमन्त्री अरविन्द केजरीवाल र पूर्व उपमुख्यमन्त्री मनीष सिसोदियालाई आरोपबाट मुक्त गरेको छ। तृणमूल कांग्रेसले अदालतको निर्णयको स्वागत गरेको छ र भारतीय जनता पार्टी (भाजपा) लाई केन्द्रिय एजेन्सीहरूको दुरुपयोग गरेको आरोप लगाएको छ।

अदालतको निर्णयप्रति प्रतिक्रिया जनाउँदै तृणमूल कांग्रेसका सांसद साकेत गोखलेले भने कि यो मुद्दा राजनीतिक रूपमा प्रेरित थियो र विपक्षी नेताहरूको छवि बिगार्नको लागि बनाइएको थियो। उनले आरोप लगाए कि भाजपाले केन्द्रिय अनुसन्धान ब्यूरो (सीबीआई) र प्रवर्तन निर्देशनालय (ईडी) जस्ता एजेन्सीहरूको दुरुपयोग गऱ्यो, जुन अब उजागर भइसकेको छ।

लोकसभामा तृणमूल कांग्रेस सांसद महुआ मोइत्राले अरविन्द केजरीवाललाई बधाई दिँदै भाजपाको कार्यको आलोचना गरिन्। उनले भनिन् कि चुनाउअघि विपक्षी दलहरूलाई लक्षित गर्नु लोकतान्त्रिक परम्परा अनुरूप छैन। तृणमूल कांग्रेसले निरन्तर आरोप लगाउँदै आएको छ कि भाजपाले चुनाउको समयमा केन्द्रिय एजेन्सीहरूको प्रयोग गरेर विपक्षी नेताहरूलाई चाप दिने प्रयास गर्दछ।

हिन्दुस्थान समाचार / भवानी थामी